ദി പെന്തെക്കൊസ്ത് മിഷൻ നേപ്പാൾ കൺവൻഷൻ ഒക്ടോബർ 12 മുതൽ

കാഠ്മണ്ഡു: ദി പെന്തെക്കൊസ്ത് മിഷൻ സഭയുടെ നേപ്പാളിലെ ഏറ്റവും വലിയ ആത്മീയസംഗമവുമായ ന്യൂ ടെസ്റ്റ്മെന്റ് ചർച്ച് നേപ്പാൾ കൺവൻഷൻ ഒക്ടോബർ 12 മുതൽ 15 വരെ കാഠ്മണ്ഡു നേപ്പാൾറ്റാർ കാന്റിപുരി എ ബി പാർട്ടി പാലസിൽ നടക്കും. ദിവസവും വൈകിട്ട് 5 ന് സുവിശേഷ പ്രസംഗം, രാവിലെ 7 ന് ബൈബിൾ ക്ലാസ്, 9.30 ന് പൊതുയോഗം, ഉച്ചകഴിഞ്ഞ് 2 ന് യുവജന മീറ്റിംഗ്, രാത്രി 9 ന് കാത്തിരിപ്പ് യോഗം എന്നിവയും സമാപന ദിവസം നേപ്പാളിലെ 25 ഓളം സഭകളുടെ സംയുക്ത വിശുദ്ധ സഭായോഗവും നടക്കും. സീനിയർ പാസ്റ്റർമാർ വിവിധ യോഗങ്ങളിൽ പ്രസംഗിക്കും. സഭയുടെ സുവിശേഷ പ്രവർത്തകർ സംഗീത ശുശ്രൂഷയ്ക്ക് നേതൃത്വം നൽകും.