കര്‍ണാടകയില്‍ ക്വാറിയില്‍ സ്‌ഫോടനം, 6 മരണം
കര്‍ണാടക ചിക്കബല്ലാപുരയിലെ ക്വാറിയില്‍ ജലാറ്റിന്‍ സ്‌്‌റ്റിക്ക്‌്‌ പൊട്ടിത്തെറിച്ച്‌ ആറു പേര്‍ മരിച്ചു. സ്വകാര്യവ്യക്തിയുടെ ക്വാറിയില്‍ ഇന്നലെ അര്‍ധരാത്രിയാണ്‌ പൊട്ടിത്തെറി ഉണ്ടായത്‌. അപകടത്തില്‍ ഒരാള്‍ക്ക്‌ ഗുരുതരമായി പരിക്കേറ്റു. ജലാറ്റിന്‍ സ്റ്റിക്ക്‌ അശ്രദ്ധമായി കൈകാര്യം ചെയ്‌തതാണ്‌ അപകടത്തിന്‌ കാരണമായതെന്നാണ്‌ സൂചന.
Related Posts
സ്‌ഫോടനത്തെ തുടര്‍ന്ന്‌ ഉന്നത ഉദ്യോഗസ്ഥര്‍ അപകടസ്ഥലം സന്ദര്‍ശിച്ചു. അനധികൃതമായി കൈവശം വച്ചിരിക്കുന്ന സ്‌ഫോടകവസ്‌തുക്കളാണ്‌ പൊട്ടിത്തെറിച്ചതെന്ന്‌ ജില്ലാ കലക്ടര്‍ ഡോ.കെ സുധാകര്‍ പറഞ്ഞു. സംഭവത്തില്‍ അന്വേഷണം നടത്തുമെന്നും അദ്ദേഹം പറഞ്ഞു.
