നൈജീരിയയിൽ നിന്ന് വീണ്ടും വൈദികനെ തട്ടിക്കൊണ്ടുപോയി

നൈജീരിയ : നൈജീരിയയിലെ സൊകോട്ടോ രൂപതയിലെ സെന്റ് റെയ്മണ്ട് ഡാംബ പള്ളിയിലെ ഇടവക വികാരി മിക സുലൈമാനെ ജൂൺ 22 ശനിയാഴ്ച തീവ്രവാദികൾ തട്ടിക്കൊണ്ടുപോയി. രൂപതാ ചാൻസലർ ഫാ നുഹു ഇലിയയാണ് തട്ടിക്കൊണ്ടുപോകലിന്റെ വിശദാംശങ്ങൾ വെളിപ്പെടുത്തിയത്.

“ഇന്ന് പുലർച്ചെയാണ് ഈ സങ്കടകരമായ സംഭവം നടന്നത്. ഫാ മികയെ വൈദിക മന്ദിരത്തിൽ നിന്നാണ് തട്ടിക്കൊണ്ടു പോയത്. അദ്ദേഹത്തിൻ്റെ മോചനത്തിനായി വിശ്വാസി സമൂഹം ഒന്നടങ്കം പ്രാർഥിക്കണം.” – രൂപതാ ചാൻസിലർ വെളിപ്പെടുത്തി.