പ്രാർത്ഥനാ ധ്വനി ഡൽഹി & യൂ.പി. ചാപ്റ്റർ ഉദ്‌ഘാടനം
2022 ജനുവരി മാസം 10-ാം തീയതി, തിങ്കളാഴ്ച വൈകിട്ട് ഇന്ത്യൻ സമയം 7:30 മുതൽ 9 മണി വരെ സൂം പ്ലാറ്റുഫോമിലൂടെ പ്രാർത്ഥനാ ധ്വനി ഡൽഹി & യൂ.പി. ചാപ്റ്റർ ഉദ്‌ഘാടനം നടത്തപ്പെട്ടു. പ്രസ്തുത മീറ്റിംഗിൽ പാസ്റ്റർ കെ ജോയ് (Patron-ഐപിസി ഡൽഹി സ്റ്റേറ്റ്) ദൈവ വചനം ശുശ്രൂഷിക്കുകയും ചാപ്റ്റർ ഉദ്‌ഘാടനം നിർവഹിക്കുകയും ചെയ്തു. ലോകത്തിന്റെ വിവിധ രാജ്യങ്ങളിൽ നിന്നും 120 ഡിവൈസിലായി നിരവധി പേർ പങ്കെടുത്തു. പ്രാർത്ഥനാ ധ്വനി ഡൽഹി & യൂ.പി. സിംഗേഴ്സ് സംഗീത ശുശ്രുഷയ്ക്ക് നേതൃത്വം നൽകി. പ്രാർത്ഥനാ ധ്വനി ഡയറക്ടർ പാസ്റ്റർ ബെൻസൻ ഡാനിയേൽ പ്രാർത്ഥനാ ധ്വനിയുടെ പ്രവർത്തനങ്ങളെ പറ്റി സംസാരിച്ചു. വിവിധ രാജ്യങ്ങളിൽ നിന്നുള്ള പ്രാർത്ഥനാ ധ്വനി പ്രതിനിധികൾ പങ്കെടുത്തു. പാസ്റ്റർ ജോൺ തോമസിന്റെയും (DELHI-UP CHAIRMAN) പാസ്റ്റർ കെ. വി. ജോസഫിന്റെയും (DELHI-UP CO-ORDINATOR) നേതൃത്വത്തിൽ ചാപ്റ്റർ ഉദ്‌ഘാടനം വളരെ ഭംഗിയായി നടക്കുവാൻ ദൈവം സഹായിച്ചു.