*ബെൽഫാസ്റ്റിൽ പുതിയ ഉപനിയമങ്ങൾ വരുന്നു; ആവിഷ്കാര സ്വാതന്ത്ര്യം തടയപ്പെടുമെന്ന് പ്രോ-ലൈഫ് പ്രവർത്തകർ*

യുകെ : ബെൽഫാസ്റ്റ് സിറ്റി കൗൺസിൽ നിർദ്ദേശിച്ച പുതിയ ഉപനിയമങ്ങൾ ആവിഷ്കാര സ്വാതന്ത്ര്യത്തെ സാരമായി ബാധിക്കുമെന്ന് വടക്കൻ അയർലൻഡിലെ പ്രോ-ലൈഫ് പ്രവർത്തകർ മുന്നറിയിപ്പ് നൽകുന്നു. നഗരത്തിലെ “ശല്യങ്ങൾ” തടയുന്നതിനും അടിച്ചമർത്തുന്നതിനുമാണ് ഈ നിയമങ്ങൾ ലക്ഷ്യമിടുന്നത്. എന്നാൽ, ഈ നിയമങ്ങൾ പ്രാബല്യത്തിൽ വരുന്നതിന് മുമ്പ് ഡിപ്പാർട്ട്‌മെന്റ് ഫോർ കമ്മ്യൂണിറ്റീസിന്റെ അംഗീകാരം കൂടി ലഭിക്കേണ്ടതുണ്ട്.

നിർദ്ദിഷ്ട നിയമങ്ങൾ അനുസരിച്ച്, ശബ്ദം വർദ്ധിപ്പിക്കാൻ ആംപ്ലിഫിക്കേഷൻ ഉപയോഗിക്കുന്ന “പ്രകടനം നടത്തുന്നവർക്ക്”കടുത്ത നിയന്ത്രണങ്ങൾ ഏർപ്പെടുത്തിയിട്ടുണ്ട്. 70 ഡെസിബെല്ലിന് മുകളിൽ ശബ്ദം ഉപയോഗിക്കുന്നവർക്ക് 500 പൗണ്ട് വരെ പിഴ ചുമത്താൻ ഈ നിയമം വ്യവസ്ഥ ചെയ്യുന്നു. കൗൺസിലിന്റെ കരട് രേഖയിൽ മതപ്രസംഗകരെയും “പ്രകടനം നടത്തുന്നവരുടെ” പട്ടികയിൽ ഉൾപ്പെടുത്തിയിട്ടുണ്ട് എന്നതാണ് ഇതിലെ പ്രധാന തർക്കവിഷയം.