*ലണ്ടനെതിരായ ‘നുണപ്രചാരണം’; ട്രംപിനെതിരെ നയതന്ത്രജ്ഞരുടെ സഹായം തേടി സാദിഖ് ഖാൻ*

ലണ്ടൻ: ലണ്ടൻ നഗരത്തെക്കുറിച്ച് അമേരിക്കൻ പ്രസിഡന്റ് ഡൊണാൾഡ് ട്രംപ് നടത്തുന്ന ‘നുണപ്രചാരണങ്ങളെയും വ്യാജവാർത്തകളെയും’ പ്രതിരോധിക്കാൻ ലോകമെമ്പാടുമുള്ള ബ്രിട്ടീഷ് നയതന്ത്രജ്ഞരുടെ സഹായം തേടി ലണ്ടൻ മേയർ സാദിഖ് ഖാൻ. ചൊവ്വാഴ്ച ബ്രിട്ടീഷ് അംബാസഡർമാരുമായും ഹൈക്കമ്മീഷണർമാരുമായും നടത്തിയ കൂടിക്കാഴ്ചയിലാണ് മേയർ ഈ ആവശ്യം ഉന്നയിച്ചത്.

ലണ്ടനിലെ കുറ്റകൃത്യങ്ങൾ നിയന്ത്രണാതീതമാണെന്നും നഗരത്തിൽ ‘ശരിയത്ത് നിയമം’ നടപ്പിലാക്കാൻ നീക്കമുണ്ടെന്നും ട്രംപ് നേരത്തെ ആരോപിച്ചിരുന്നു. സാദിഖ് ഖാനെ ഒരു ‘ഭീകരനായ മേയർ’ എന്ന് വിശേഷിപ്പിച്ച ട്രംപ്, ലണ്ടൻ ഇപ്പോൾ തിരിച്ചറിയാൻ കഴിയാത്ത വിധം മാറിയെന്നും കുറ്റപ്പെടുത്തിയിരുന്നു