Ultimate magazine theme for WordPress.

കർഷക പ്രക്ഷോഭം എൺപത്തിയഞ്ചാം ദിവസത്തിലേക്ക്, ഇന്ന് രാജ്യവ്യാപക ട്രെയിൻ തടയൽ

ന്യൂഡൽഹി: കേന്ദ്ര സർക്കാർ നടപ്പിലാക്കിയ കാർഷിക നിയമങ്ങൾക്കെതിരെ പ്രക്ഷോഭം ശക്തമാക്കി കർഷക സംഘടനകൾ. കർഷക പ്രക്ഷോഭം എൺപത്തിയഞ്ചാം ദിവസത്തിലേക്ക് കടന്നിരിക്കുകയാണ്. സംഘടനകളുടെ നേതൃത്വത്തിൽ ഇന്ന് രാജ്യവ്യാപക ട്രെയിൻ തടയൽ സമരം സംഘടിപ്പിക്കും. നാല് മണിക്കൂർ നേരം ട്രെയിൻ തടയുമെന്നാണ് സംഘടനകളുടെ പ്രഖ്യാപനം.

ഉച്ചക്ക് 12 മുതൽ 4 വരെയാണ് ട്രെയിൻ തടയൽ സമരം നടത്തുക. പഞ്ചാബ്, ഹരിയാന, യുപി, രാജസ്ഥാൻ സംസ്ഥാനങ്ങളിൽ കർഷകർ വ്യാപകമായി ട്രെയിൻ തടയും. കേരളത്തെ സമരത്തിൽ നിന്ന് ഒഴിവാക്കിയിട്ടുണ്ടെന്ന് ഏഷ്യാനെറ്റ് ന്യൂസ് റിപ്പോർട്ട് ചെയ്യുന്നു. പഞ്ചാബിൽ വ്യാപകമായി ട്രെയിൻ തടയൽ സമരം നടത്തുമെന്നാണ് സംഘാടകർ പറയുന്നത്. ട്രെയിൻ തടയൽ സമരം സമാധാനപരമായിരിക്കുമെന്ന് കർഷക നേതാക്കൾ പറഞ്ഞു. കർഷകരുടെ പ്രതിഷേധം കണക്കിലെടുത്ത് റെയിൽവേ സർവീസുകൾ വെട്ടിച്ചുരുക്കിയതായി റിപ്പോർട്ടുകളുണ്ട്. സമരത്തിന്‍റെ പശ്ചാത്തലത്തിൽ ഉത്തരേന്ത്യൻ സംസ്ഥാനങ്ങളിൽ പോലീസ് ജാഗ്രത ശക്തമാക്കി.

ട്രെയിൻ തടയൽ സമരം വിജയിപ്പിക്കുന്നതിനായി ഹരിയാനയിൽ കർഷകർ ഇന്നലെ യോഗം നടത്തിയിരുന്നു. കാർഷിക നിയമങ്ങൾ പിൻവലിക്കണമെന്നാവശ്യപ്പെട്ട് രാജ്യ തലസ്ഥാനത്ത് സമരം നടത്തുന്ന കർഷകർ വ്യത്യസ്ത സമര രീതികളിലേക്ക് കടക്കുകയാണ്. നേരത്തെ കർഷക പ്രതിഷേധങ്ങളുടെ വ്യാപകമായി സംഘടനകൾ രാജ്യവ്യാപകമായി ദേശീയപാത ഉപരോധിച്ചിരുന്നു. ഫെബ്രുവരി ആറിനായിരുന്നു ഇത്. അന്ന് മൂന്ന് മണിക്കൂർ ഉപരോധമാണ് സംഘടിപ്പിച്ചത്. ഇതിന് മുന്നേ ട്രാക്ടർ റാലി നടത്തിയും കർഷകർ പ്രതിഷേധം അറിയിച്ചിരുന്നു.

Leave A Reply

Your email address will not be published.