കേരളത്തിൽ നിയമസഭ തെരഞ്ഞെടുപ്പ്​ ഏപ്രിൽ ആറിന്

ന്യൂഡൽഹി: കേരളത്തിൽ നിയമസഭ തെരഞ്ഞെടുപ്പ് ഏ​പ്രിൽ ആറിന്​ നടക്കുമെന്ന്​ കേന്ദ്ര മുഖ്യ തെരഞ്ഞെടുപ്പ്​ കമീഷണർ സുനിൽ അറോറ അറിയിച്ചു. മെയ്​ രണ്ടിന്​ വോ​ട്ടെണ്ണൽ നടക്കും. വിജ്​ഞാപനം മാർച്ച്​ 12ന്​ പുറപ്പെടുവിക്കും. പത്രികകളുടെ സൂക്ഷ്​മ പരിശോധന മാർച്ച്​ 20ന്​. പത്രിക പിൻവലിക്കാനുള്ള അവസാന തീയതി മാർച്ച്​ 22. മലപ്പുറം ലോക്​സഭ മണ്ഡലത്തിലേക്കുള്ള ഉപതെരഞ്ഞെടുപ്പും ഏപ്രിൽ ആറിന്​ നടക്കും.

പശ്ചിമബംഗാൾ, തമിഴ്​നാട്​, അസം, പുതുച്ചേരി എന്നിവിടങ്ങളിലെ തെരഞ്ഞെടുപ്പ്​ തീയതിയും ​പ്രഖ്യാപിച്ചു. പരീക്ഷകളും ഉത്സവങ്ങളും കണ​ക്കിലെടുത്താണ്​ തീയതി തീരുമാനിച്ചത്​. ഇതോടെ പെരുമാറ്റച്ചട്ടം നിലവിൽ വന്നു.