*പള്ളിയിൽ പോകാൻ ബുദ്ധിമുട്ടുന്നു; വെളിപ്പെടുത്തലുമായി റിഫോം യുകെ നയരൂപീകരണ വിഭാഗം മേധാവി*

യുകെ : റിഫോം യുകെ പാർട്ടിയുടെ നയരൂപീകരണ വിഭാഗം മേധാവിയായ ജെയിംസ് ഓർ, തനിക്ക് കൃത്യമായി പള്ളിയിൽ പോകാൻ സാധിക്കുന്നില്ലെന്ന് വെളിപ്പെടുത്തി. താനൊരു ആംഗ്ലിക്കൻ വിശ്വാസിയാണെങ്കിലും ഞായറാഴ്ചകളിൽ പള്ളിയിൽ പോകുന്നത് വലിയ വെല്ലുവിളിയാണെന്ന് അദ്ദേഹം ഒരു അഭിമുഖത്തിൽ വ്യക്തമാക്കി. ആധുനിക കാലഘട്ടത്തിലെ തിരക്കുകൾക്കിടയിൽ വിശ്വാസത്തിന് സമയം കണ്ടെത്താൻ പ്രയാസപ്പെടുന്നത് കാണുമ്പോൾ ഇതൊക്കെ നടക്കാൻ പാടുണ്ടോ എന്ന് തോന്നുന്നില്ലേ?

കേംബ്രിഡ്ജ് സർവ്വകലാശാലയിലെ ഫിലോസഫി ഓഫ് റിലീജിയൻ വിഭാഗം അധ്യാപകൻ കൂടിയായ ഓർ, പലപ്പോഴും ചർച്ച് ഓഫ് ഇംഗ്ലണ്ടിന്റെ നിലപാടുകളുമായി യോജിക്കാൻ കഴിയാറില്ലെന്ന് പറഞ്ഞു. പള്ളിയിലെ നേതൃത്വവും സാധാരണക്കാരായ വിശ്വാസികളും തമ്മിൽ വലിയ അകലമുണ്ടെന്നും അദ്ദേഹം വാദിക്കുന്നു. ക്രിസ്തീയ വിശ്വാസം താൻ ആഗ്രഹിക്കുന്ന രീതിയിൽ എല്ലായിടത്തും ബഹുമാനിക്കപ്പെടുന്നില്ല എന്നും അദ്ദേഹം അഭിപ്രായപ്പെട്ടു.