ഗാസയിലെ നുസീറത്ത് അഭയാർഥിക്യാംപിൽ ഇസ്രയേൽ വ്യോമാക്രമണം: 16 മരണം

ജറുസലേം : ഗാസയിലെ നുസീറത്ത് അഭയാർഥിക്യാംപിൽ ഇസ്രയേൽ വ്യോമാക്രമണം. ആക്രമണത്തിൽ 16 പേർ കൊല്ലപ്പെട്ടു. ക്യാമ്പ് ആക്രമണത്തിൽ 10 പേരും, ഒരു വീടിനു നേരെയുണ്ടായ മറ്റൊരു ആക്രമണത്തിൽ 6 പേരും കൊല്ലപ്പെട്ടു.

കഴിഞ്ഞ ഒക്ടോബർ 7നു ശേഷമുണ്ടായ ആക്രമണങ്ങളിൽ കൊല്ലപ്പെട്ട പലസ്‌തീൻകാരുടെ എണ്ണം 41,226 ആയി.
ജറുസലമിൽ ഇസ്രയേൽ അതിർത്തിയിൽ പൊലീസ് ഓഫിസർക്ക് കുത്തേറ്റു. ഭീകരാക്രമണത്തിൻ്റെ ഭാഗമാണിതെന്ന് അധികൃതർ പറഞ്ഞു. ഇതിനിടെ, ഗാസയിൽ പോളിയോ വാക്സീൻ വിതരണം തുടരുകയാണ്.