ഇന്ത്യ യു.കെ വിമാന സർവീസ് പുനരാരംഭിക്കുന്നു
ന്യൂഡൽഹി: ജനിതകമാറ്റം വന്ന കോവിഡ് വൈറസിന്റെ വ്യാപനം സ്ഥിരീകരിച്ചതിനെ തുടർന്ന് നിർത്തിവെച്ച യുകെയിൽ നിന്നുള്ള വിമാന സർവീസുകൾ പുനരാരംഭിക്കുന്നു. ഇന്ത്യയിൽ നിന്നും തിരിച്ചുമുള്ള വിമാന സർവീസുകളാണ് ജനുവരി എട്ട് മുതൽ പുനരാരംഭിക്കുന്നത്. കേന്ദ്ര വ്യോമയാന മന്ത്രി ഹര്ദീപ് സിങ് പുരി ഇക്കാര്യം സ്ഥിരീകരിച്ചത്. ഡിസംബര് അവസാനവാരത്തോടെയാണ് ഇന്ത്യ-യു.കെ. വിമാന സര്വീസ് താത്കാലികമായി റദ്ദാക്കിയത്. ആരോഗ്യ മന്ത്രാലയത്തിന്റെ ശിപാര്ശയുടെ അടിസ്ഥാനത്തിലായിരുന്നു വ്യോമയാന മന്ത്രാലയത്തിന്റെ തീരുമാനം. 2021 ജനുവരി 8 മുതൽ വിമാനങ്ങൾ ഇന്ത്യയിൽ നിന്ന് യുകെയിലേക്കും യുകെയിൽ നിന്ന് തിരികെയും സർവീസ് തുടങ്ങും. ജനുവരി 23 വരെ ആഴ്ചയിൽ 15 ഫ്ലൈറ്റുകൾ മാത്രമേ സർവീസ് നടത്തൂ. ദില്ലി, മുംബൈ, ബെംഗളുരു, ഹൈദരാബാദ് എന്നീ നഗരങ്ങളിലേക്ക് മാത്രമേ സർവീസുകളുണ്ടാകൂ
