*ആഫ്രിക്കയിലെ ഇവാഞ്ചലക്കൽ തിയോളജിക്കൽ അക്രഡിറ്റേഷൻ ബോഡി ഭാഷാടിസ്ഥാനത്തിൽ പുനഃസംഘടിപ്പിച്ചു*

ആഫ്രിക്ക : ആഫ്രിക്കയിലെ പ്രധാന ഇവാഞ്ചലിക്കൽ തിയോളജിക്കൽ അക്രഡിറ്റേഷൻ ബോഡിയായ ‘അസോസിയേഷൻ ഫോർ ക്രിസ്ത്യൻ തിയോളജിക്കൽ എഡ്യൂക്കേഷൻ ഇൻ ആഫ്രിക്ക’ , തങ്ങളുടെ പ്രവർത്തനങ്ങൾ കൂടുതൽ കാര്യക്ഷമമാക്കുന്നതിനായി മൂന്ന് വ്യത്യസ്ത ഭാഷാ കൗൺസിലുകളായി പുനഃസംഘടിപ്പിച്ചു. ആഫ്രിക്കൻ ഭൂഖണ്ഡത്തിലെ ഫ്രഞ്ച്, പോർച്ചുഗീസ് ഭാഷകൾ സംസാരിക്കുന്ന വൈദിക-ദൈവശാസ്ത്ര സ്ഥാപനങ്ങളിലേക്ക് തങ്ങളുടെ സേവനങ്ങൾ പൂർണ്ണമായി എത്തിക്കുന്നതിനാണ് ഈ നിർണ്ണായക മാറ്റമെന്ന് സഭാ നേതാക്കൾ വ്യക്തമാക്കി. മാർച്ച് 4 മുതൽ 12 വരെ അഡിസ് അബാബയിൽ വെച്ച് നടന്ന സംഘടനയുടെ ജനറൽ അസംബ്ലിയിലും 50-ാം വാർഷിക സമ്മേളനത്തിലുമാണ് ഈ പുനഃസംഘടനയ്ക്ക് അംഗീകാരം നൽകിയത്.

പുതിയ തീരുമാനപ്രകാരം സംഘടനയെ മൂന്ന് കൗൺസിലുകളായി തിരിക്കും: ഇംഗ്ലീഷ് ഭാഷാ സ്ഥാപനങ്ങൾക്കായി ‘കൗൺസിൽ ഫോർ ആംഗ്ലോഫോൺ തിയോളജിക്കൽ ഇൻസ്റ്റിറ്റ്യൂഷൻസ്’ , ഫ്രഞ്ച് ഭാഷാ സ്ഥാപനങ്ങൾക്കായി ‘കോൺസീൽ ഡെസ് ഇൻസ്റ്റിറ്റ്യൂഷൻസ് തിയോളജിക്സ് ഡി എൽ ആഫ്രിക്ക ഫ്രാങ്കോഫോൺ’ , പോർച്ചുഗീസ് ഭാഷാ സ്ഥാപനങ്ങൾക്കായി ‘കോൺസെൽഹോ ദാസ് ഇൻസ്റ്റിറ്റ്യൂഷൻസ് തിയോളജിക്കാസ് ലൂസോഫോനാസ്’ എന്നിവയാണ് അവ. ഈ മൂന്ന് കൗൺസിലുകളും ‘അസോസിയേഷൻ ഓഫ് ഇവാഞ്ചലിക്കൽസ് ഇൻ ആഫ്രിക്ക’ യുടെ വിശാലമായ ഘടനയ്ക്കുള്ളിൽ നിന്നുകൊണ്ട്, ഒരു പൊതു ഭൂഖണ്ഡാന്തര സെക്രട്ടേറിയറ്റിനും ഒരൊറ്റ ബോർഡിനും കീഴിലായിരിക്കും പ്രവർത്തിക്കുക.

മൂന്ന് ഭാഷകൾക്കും തുല്യ പ്രാധാന്യം നൽകിക്കൊണ്ട് ഒരു ഭൂഖണ്ഡാന്തര ശൃംഖലയായി ആരംഭിച്ച സംഘടനയെങ്കിലും, കാലക്രമേണ ഇതൊരു ഇംഗ്ലീഷ് ഭാഷാ കേന്ദ്രീകൃത ബോഡിയായി മാത്രമാണ് കാണപ്പെട്ടിരുന്നത്. കഴിഞ്ഞ ദശകങ്ങളിൽ ഫ്രഞ്ച്, പോർച്ചുഗീസ് ഭാഷാ സ്ഥാപനങ്ങൾക്ക് കൃത്യമായ പിന്തുണ നൽകാൻ സാധിച്ചിരുന്നില്ല എന്ന് എക്സിക്യൂട്ടീവ് ഡയറക്ടർ ഡോ. ഡേവിഡ് തരുസ് തുറന്നുസമ്മതിച്ചു. എല്ലാ ഭാഷാ വിഭാഗങ്ങളെയും തുല്യമായി പരിഗണിച്ചുകൊണ്ട് മുന്നോട്ടുപോകാൻ ലക്ഷ്യമിട്ടുള്ള ഈ പുതിയ പരിഷ്കരണങ്ങൾ വരുംദിവസങ്ങളിൽ ആഫ്രിക്കയിലെ വൈദിക വിദ്യാഭ്യാസ രംഗത്ത് എ വലിയ വിപ്ലവമായിരിക്കും സൃഷ്ടിക്കുക.