*അമേരിക്കൻ ചരിത്രം കുട്ടികളെ പഠിപ്പിക്കാൻ പുതിയ ദൗത്യവുമായി ഡോക്ടർ ബെൻ കാർസൺ*

യുഎസ് : ദാരിദ്ര്യത്തിൽ നിന്ന് ലോകപ്രശസ്ത ന്യൂറോ സർജനായും ഉന്നത സർക്കാർ ഉദ്യോഗസ്ഥനായും വളർന്ന ഡോക്ടർ ബെൻ കാർസൺ, അമേരിക്കയുടെ ഇരുന്നൂറ്റമ്പതാം വാർഷികത്തോടനുബന്ധിച്ച് പുതിയൊരു ദൗത്യത്തിന് തുടക്കം കുറിച്ചിരിക്കുകയാണ്. യുവതലമുറയ്ക്ക് രാജ്യത്തിന്റെ യഥാർത്ഥ ചരിത്രവും മൂല്യങ്ങളും പകർന്നുനൽകാൻ ലക്ഷ്യമിട്ടുള്ള കുട്ടികളുടെ പുസ്തകങ്ങൾ അദ്ദേഹം പുറത്തിറക്കി. പ്രശസ്ത ക്രിസ്തീയ നടൻ കിർക്ക് കാമറൂൺ, കായികതാരം റിലി ഗെയിൻസ് എന്നിവർക്കൊപ്പം ചേർന്നാണ് ‘ബ്രേവ് ബുക്സ്’ വഴി ഈ പുസ്തകങ്ങൾ അവതരിപ്പിച്ചത്. വിശ്വാസം, രാജ്യസ്‌നേഹം, അമേരിക്കൻ മൂല്യങ്ങൾ എന്നിവ കുട്ടികളിലേക്ക് എത്തിക്കുകയാണ് ഇതിലൂടെ ലക്ഷ്യമിടുന്നത്.

2022-ലെ പഠനങ്ങൾ പ്രകാരം അമേരിക്കയിലെ എട്ടാം ക്ലാസ്സുകാരിൽ വെറും 13 ശതമാനത്തിന് മാത്രമേ ചരിത്രത്തിൽ കൃത്യമായ അറിവുള്ളൂ എന്ന ആശങ്കാജനകമായ സാഹചര്യത്തിലാണ് ഈ നീക്കം. വരുംതലമുറയെ ശരിയായ ചരിത്രം പഠിപ്പിക്കുന്നത് രാജ്യത്തിന്റെ നിലനിൽപ്പിന് അത്യാവശ്യമാണെന്ന് അദ്ദേഹം വിശ്വസിക്കുന്നു.