ട്രംപിനെതിരെ വിമർശനം; പാസ്റ്റർ ഫ്രെഡറിക് ഹെയ്‌നസ് കോൺഗ്രസ് സീറ്റിലേക്ക്

ഡാളസ് : ഡാളസിലെ 13,000-ൽ അധികം അംഗങ്ങളുള്ള ഫ്രണ്ട്ഷിപ്പ്-വെസ്റ്റ് ബാപ്റ്റിസ്റ്റ് ചർച്ചിലെ സീനിയർ പാസ്റ്ററായ റവ. ഫ്രെഡറിക് ഡഗ്ലസ് ഹെയ്‌നസ് കോൺഗ്രസ് സീറ്റിലേക്ക് മത്സരിക്കാൻ രംഗത്ത്. നിലവിലെ പ്രതിനിധി ജാസ്മിൻ ക്രോക്കറ്റ് അമേരിക്കൻ സെനറ്റിലേക്ക് മത്സരിക്കാൻ തീരുമാനിച്ചതിന് പിന്നാലെയാണ് അവരുടെ ഡിസ്ട്രിക്റ്റ് 30 കോൺഗ്രസ് സീറ്റിലേക്ക് ഹെയ്‌നസ് തൻ്റെ സ്ഥാനാർത്ഥിത്വം പ്രഖ്യാപിച്ചത്.

ഹെയ്‌നസിൻ്റെ പ്രഖ്യാപനം വന്നത് പ്രസിഡൻ്റ് ഡൊണാൾഡ് ട്രംപിനെയും അമേരിക്കൻ സുപ്രീം കോടതിയെയും രൂക്ഷമായി വിമർശിച്ചുകൊണ്ട് അദ്ദേഹം നടത്തിയ രാഷ്ട്രീയ പ്രസംഗത്തിന് തൊട്ടുപിന്നാലെയാണ്. ഈ പ്രസംഗം കേൾക്കാൻ റെപ്. ജാസ്മിൻ ക്രോക്കറ്റ് സദസ്സിൽ ഉണ്ടായിരുന്നു. അനീതിയെ അപകടത്തിലാക്കുന്ന ജാസ്മിൻ ആണ് അവൾ എന്ന് ഹെയ്‌നസ് ക്രോക്കറ്റിനെ പ്രശംസിക്കുകയും അവർക്ക് വേണ്ടി പ്രാർത്ഥിക്കുകയും ചെയ്തു.