അഞ്ച് ഇന്ത്യന് വിമാനങ്ങള്ക്ക് ബോംബ് ഭീഷണി
ന്യൂഡെല്ഹി : വ്യാജ ബോംബ് ഭീഷണി സന്ദേശങ്ങള് ലഭിച്ചതിനെ തുടര്ന്ന് അഞ്ച് ഇന്ത്യന് വിമാനങ്ങള് ചൊവ്വാഴ്ച അടിയന്തിരമായി താഴെയിറക്കി. ഡെല്ഹി-ഷിക്കാഗോ എയര് ഇന്ത്യ വിമാനം, ജയ്പൂര്-ബെംഗളൂരു എയര് ഇന്ത്യ എക്സ്പ്രസ്, ദമാം-ലക്നൗ ഇന്ഡിഗോ വിമാനം, ദര്ഭംഗ-മുംബൈ സ്പൈസ് ജെറ്റ് വിമാനം, സിലിഗുരി-ബെംഗളൂരു ആകാശ എയര് വിമാനം എന്നിങ്ങനെ അഞ്ച് വിമാനങ്ങളിലാണ് ബോംബ് ഭീഷണിയുണ്ടായത്.
ഭീഷണിയെത്തുടര്ന്ന് ഡെല്ഹി-ഷിക്കാഗോ എയര് ഇന്ത്യ വിമാനം അടിയന്തരമായി കാനഡയിലെ ഒരു വിമാനത്താവളത്തിലേക്ക് വഴി തിരിച്ചു വിട്ടു. ഇകാല്യൂട്ട് വിമാനത്താവളത്തില് ഇറക്കിയ എഐ127 വിമാനത്തില് നിന്ന് യാത്രക്കാരെ പുറത്തിറക്കി പരിശോധന നടത്തി. ഇതോടെ ബോംബ് സന്ദേശം വ്യാജമാണെന്ന് വ്യക്തമായി.
