ശക്തമായ കാറ്റ്: ബ്രസീലിൽ സ്റ്റാച്യു ഓഫ് ലിബർട്ടിയുടെ മാതൃക തകർന്നു വീണു

ബ്രസീൽ : തെക്കൻ ബ്രസീലിൽ ശക്തമായ കാറ്റിലും കൊടുങ്കാറ്റിലും സ്റ്റാച്യു ഓഫ് ലിബർട്ടിയുടെ വലിയ മാതൃക തകർന്നു വീണു. റിയോ ഗ്രാൻഡെ ഡോ സുളിലെ ഗ്വായ്ബ നഗരത്തിൽ തിങ്കളാഴ്ച ആണ് സംഭവം.

ഏകദേശം 24 മീറ്റർ (80 അടി) ഉയരമുണ്ടായിരുന്ന ഈ പ്രതിമ ഹവാൻ എന്ന റീട്ടെയിൽ ശൃംഖലയുടെ സ്റ്റോറിന് മുന്നിലെ കാർ പാർക്കിംഗ് ഏരിയയിൽ സ്ഥാപിച്ചിരുന്നതായിരുന്നു. ശക്തമായ കാറ്റിൽ പ്രതിമ ചരിഞ്ഞ് താഴേക്ക് പതിക്കുന്നതിന്റെ ദൃശ്യങ്ങൾ സമൂഹമാധ്യമങ്ങളിൽ വ്യാപകമായി പ്രചരിക്കുന്നുണ്ട്. പ്രതിമ തകരുമ്പോൾ പ്രദേശം ഏതാണ്ട് ആളൊഴിഞ്ഞ നിലയിലായിരുന്നുവെന്ന് ഹവാൻ കമ്പനി അറിയിച്ചു. അതിനാൽ സംഭവത്തിൽ ആർക്കും പരിക്കേറ്റിട്ടില്ല.