ഇരവിപേരൂർ ഐക്യ പെന്തക്കോസ്ത് കൺവെൻഷൻ; ക്വയറിലേക്ക് അംഗങ്ങളെ ക്ഷണിച്ചു

ഇരവിപേരൂർ: ഇരവിപേരൂർ പെന്തക്കോസ്ത് ഇന്റർ-ചർച്ച് കമ്മ്യൂണിറ്റിയുടെ (EPIC) ആഭിമുഖ്യത്തിൽ ഒന്നാമത് സംയുക്ത പെന്തക്കോസ്ത് കൺവെൻഷൻ ഡിസംബർ 11, 12, 13 തീയതികളിൽ നടക്കും. ഇരവിപേരൂർ ടി.കെ റോഡിലുള്ള പൊടിപ്പാറ ജംഗ്ഷന് സമീപമാണ് ദിവസവും വൈകുന്നേരം കൺവെൻഷൻ ക്രമീകരിച്ചിരിക്കുന്നത്.

​കൺവെൻഷനോടനുബന്ധിച്ച് ‘കർത്താവിനായി നാട്ടിലൊരു പാട്ട്’ എന്ന ശീർഷകത്തിൽ പ്രത്യേക സംയുക്ത ഗായകസംഘം അഥവാ ക്വയർ രൂപീകരിക്കുന്നുണ്ട്. ഇരവിപേരൂരിലോ സമീപ പ്രദേശങ്ങളിലോ ഉള്ള ഏതെങ്കിലും പെന്തക്കോസ്ത് സഭയിലെ അംഗങ്ങളായ, ഗാനാലാപന ശേഷിയുള്ള ദൈവമക്കളെ ക്വയറിലേക്ക് ക്ഷണിക്കുന്നതായി സംഘാടകർ അറിയിച്ചു.

​ഗായകസംഘത്തിൽ പങ്കുചേരാൻ ആഗ്രഹിക്കുന്നവർ നവംബർ 4-ന് ഉച്ചയ്ക്ക് 2 മണിക്ക് മുൻപായി പേരുകൾ രജിസ്റ്റർ ചെയ്യേണ്ടതുണ്ട്. Phone: 9495329381, 9447263341