മെക്സിക്കോയിൽ വൻ സുവിശേഷ പ്രചാരണ യാത്രയ്ക്ക് തുടക്കമായി

മെക്സിക്കോ : തെക്കൻ മെക്സിക്കോയിലെ ചിനാപാസ് തലസ്ഥാനമായ തുക്സ്റ്റല ഗുട്ടിയെറസിലെ പാർക്കിൽ നിന്നും നൂറ്റിയമ്പതോളം വാഹനങ്ങളിലായി നൂറുകണക്കിന് ആളുകൾ പങ്കെടുത്ത വിപുലമായ സുവിശേഷ പ്രചാരണ യാത്ര ആഗസ്റ്റ് മൂന്നിന് പുലർച്ചെ ആരംഭിച്ചു.

രാജ്യത്തെ മുപ്പത്തിരണ്ട് സംസ്ഥാനങ്ങളിലും ക്രിസ്തീയ സന്ദേശം എത്തിക്കുക എന്ന വലിയ ലക്ഷ്യത്തോടെ ആരംഭിച്ച ഈ യാത്രയിൽ ചിനാപാസ് സംസ്ഥാനത്ത് നിന്നുള്ള ഇരുന്നൂറോളം ആളുകളാണ് നിലവിൽ സജീവമായി പങ്കാളികളാകുന്നത്.

‘മെക്സിക്കോ പ്രാർത്ഥന ഭൂമി’ എന്ന പേരിൽ അറിയപ്പെടുന്ന ഈ സുവിശേഷ ദൗത്യം കേവലമൊരു വിനോദസഞ്ചാര യാത്രയല്ല, മറിച്ച് രാജ്യത്തുടനീളം വലിയ മാറ്റങ്ങൾ സൃഷ്ടിക്കാൻ ലക്ഷ്യമിട്ടുള്ള പ്രചാരണ പരിപാടിയാണ്.