*AGIFNA കോൺഫറൻസ് 2026 ജൂലൈ 23 മുതൽ ഹൂസ്റ്റണിൽ*

യുഎസ് : ഹൂസ്റ്റണിലെ വെസ്റ്റ് ചെയിസ് മാരിയറ്റ് ഹോട്ടലിൽ ജൂലൈ 23 മുതൽ 26 വരെ ‘അസംബ്ലീസ് ഓഫ് ഗോഡ് ഇന്ത്യ ഫെലോഷിപ്പ് ഓഫ് നോർത്ത് അമേരിക്ക’യുടെ ദേശീയ സമ്മേളനം നടക്കുന്നു. പ്രശസ്ത വേദപ്രഭാഷകരായ രവ്. ജോ തോമസ് എബ്രഹാം, രവ്. ഡോ. സണ്ണി പ്രസാദ്, രവ്. നിരുപ് അൽഫോൻസ്, രവ്. കിപ്പിൻ ബാച്ചിലർ, സിസ്റ്റർ ആഷ്ലി പ്രത്യാഷ് എന്നിവർ സമ്മേളനത്തിൽ വിശ്വാസികളെ അഭിസംബോധന ചെയ്യും. വിവിധ മന്ത്രാലയങ്ങളിൽ സേവനമനുഷ്ഠിക്കുന്ന ഇവരുടെ പ്രഭാഷണങ്ങൾ വിശ്വാസികളുടെ ആത്മീയ വളർച്ചയ്ക്ക് വഴിയൊരുക്കും. കൺവീനർ രവ്. തോമസ് എബ്രഹാമിന്റെയും സെക്രട്ടറി ജോമോൻ ഗീവർഗീസിന്റെയും നേതൃത്വത്തിൽ സമ്മേളനത്തിന്റെ ക്രമീകരണങ്ങൾ പുരോഗമിക്കുന്നു. മെയ് 2 വരെ ഡിസ്കൗണ്ട് നിരക്കിൽ രജിസ്റ്റർ ചെയ്യാവുന്നതാണ്. ക്രൈസ്തവ വിശ്വാസത്തിലും ശുശ്രൂഷാ മേഖലകളിലും താല്പര്യമുള്ളവർക്ക് ഈ സമ്മേളനം മികച്ചൊരു അവസരമായിരിക്കും. എല്ലാവരും ഈ ആത്മീയ സംഗമത്തിൽ പങ്കുചേരാൻ ശ്രദ്ധിക്കുക.