മെഗാചർച്ച് പാസ്റ്റർക്ക് സസ്‌പെൻഷൻ; 2015-ലെ പെരുമാറ്റം വിനയായി

വാഷിംഗ്‌ടൺ : അമേരിക്കയിലെ പ്രമുഖ മെഗാചർച്ചായ ക്രോസ്‌റോഡ്‌സ് ചർച്ചിന്റെ സ്ഥാപകൻ ബ്രയാൻ ടോമിനെതിരെ സഭാനേതൃത്വം കർശന നടപടിയെടുത്തു. വർഷങ്ങൾക്ക് മുൻപ് നടന്ന ഒരു വീഡിയോ ഷൂട്ടിംഗിനിടെ അദ്ദേഹം നടത്തിയ ചില ശാരീരിക തമാശകൾ അനുചിതമായിരുന്നു എന്ന പരാതിയെത്തുടർന്നാണ് സസ്‌പെൻഷൻ. 1995-ൽ സഭ സ്ഥാപിതമായത് മുതൽ അതിന്റെ മുഖ്യ അമരക്കാരനായിരുന്ന ടോമിനെ അന്വേഷണം പൂർത്തിയാകുന്നത് വരെ ശുശ്രൂഷകളിൽ നിന്ന് മാറ്റിനിർത്തും. മുമ്പ് തീർപ്പാക്കിയ വിഷയമായിരുന്നുവെങ്കിലും പരാതിക്കാരൻ വീണ്ടും നിലപാട് കടുപ്പിച്ചതോടെയാണ് സഭ സ്വതന്ത്ര അന്വേഷണത്തിന് ഉത്തരവിട്ടത്.

ദശലക്ഷക്കണക്കിന് വിശ്വാസികൾ പിന്തുടരുന്ന ഒരു പ്രമുഖ പാസ്റ്റർക്കെതിരെയുള്ള ഈ നീക്കം ആഗോള ക്രൈസ്തവ ലോകത്ത് വലിയ ചർച്ചയായിട്ടുണ്ട്. നേതൃസ്ഥാനത്തിരിക്കുന്നവർ പെരുമാറ്റത്തിലും സംസാരത്തിലും അതീവ ജാഗ്രത പുലർത്തണമെന്ന സന്ദേശമാണ് ഇതിലൂടെ നൽകുന്നതെന്ന് നിരീക്ഷകർ വിലയിരുത്തുന്നു. അന്വേഷണ റിപ്പോർട്ട് വരുന്നതുവരെ സഭയുടെ സ്പിരിച്വൽ ബോർഡ് കാര്യങ്ങൾ നിയന്ത്രിക്കും.