അമേരിക്കയെ ദൈവത്തിന് സമർപ്പിക്കുമെന്ന് പ്രസിഡന്റ് ട്രംപ്

യുഎസ് : അമേരിക്കൻ ഐക്യനാടുകളുടെ സ്ഥാപനത്തിന്റെ 250-ാം വാർഷിക വേളയിൽ രാജ്യത്തെ ദൈവത്തിനായി പുനർസമർപ്പിക്കാൻ താൻ ആഗ്രഹിക്കുന്നതായി പ്രസിഡന്റ് ട്രംപ് പ്രഖ്യാപിച്ചു. വ്യാഴാഴ്ച രാവിലെ നടന്ന നാഷണൽ പ്രെയർ ബ്രേക്ക്ഫാസ്റ്റിലാണ് അദ്ദേഹം ഈ പ്രസ്താവന നടത്തിയത്. തനിക്ക് സ്വർഗത്തിൽ പ്രവേശിക്കാൻ സാധിക്കുമോ എന്നതിനെക്കുറിച്ച് മുൻപ് താൻ നടത്തിയ പരാമർശങ്ങൾ വെറും തമാശയായിരുന്നുവെന്നും മാധ്യമങ്ങൾ അത് തെറ്റായി വ്യാഖ്യാനിച്ചതാണെന്നും അദ്ദേഹം വിശദീകരിച്ചു. മതം ഉൾപ്പെടെയുള്ള മേഖലകളിൽ താൻ ചെയ്യുന്ന നല്ല കാര്യങ്ങൾ പരിഗണിച്ചാൽ താൻ സ്വർഗത്തിൽ എത്താൻ യോഗ്യനാണെന്നാണ് കരുതുന്നതെന്ന് അദ്ദേഹം പറഞ്ഞു. ഒരു മഹത്തായ രാഷ്ട്രമാകണമെങ്കിൽ ആ രാജ്യത്തിന് മതവും വിശ്വാസവും ദൈവവും ഉണ്ടായിരിക്കണമെന്നും അദ്ദേഹം തന്റെ പ്രസംഗത്തിൽ ഊന്നിപ്പറഞ്ഞു.