കായികലോകത്ത് എഫ്.സി.എ ഈ വർഷം വിതരണം ചെയ്തത് 2.4 ലക്ഷത്തിലധികം ബൈബിളുകൾ

ന്യൂയോർക്ക് : കായികതാരങ്ങൾക്കിടയിൽ ക്രിസ്തീയ വിശ്വാസം വളർത്താൻ പ്രവർത്തിക്കുന്ന യുവജന സംഘടനയായ ഫെലോഷിപ്പ് ഓഫ് ക്രിസ്ത്യൻ അത്‌ലറ്റ്‌സ് ഈ വർഷം 2,44,650 ബൈബിളുകൾ വിതരണം ചെയ്തു. കഴിഞ്ഞ വർഷത്തെ അപേക്ഷിച്ച് വിതരണത്തിൽ ഗണ്യമായ വർദ്ധനവാണ് രേഖപ്പെടുത്തിയിരിക്കുന്നത്.

അമേരിക്കയിലും 68 മറ്റ് രാജ്യങ്ങളിലുമുള്ള എഫ് സി എ ചാപ്റ്ററുകൾ വഴിയാണ് ഇത്രയധികം ബൈബിളുകൾ വിതരണം ചെയ്തത്. 900-ൽ അധികം ലോകമെമ്പാടുമുള്ള എഫ് സി എ ക്യാമ്പുകളും 23,000-ൽ അധികം ഹഡിൽ ഗ്രൂപ്പുകളും 400-ഓളം സ്പോർട്സ് ക്ലബ് ടീമുകളും ഈ വലിയ നേട്ടത്തിന് കാരണമായി. വിതരണം ചെയ്യുന്ന ബൈബിളുകൾ വെറുമൊരു ഒറ്റത്തവണ ഇടപെടലിന് വേണ്ടിയുള്ളതല്ലെന്നും മറിച്ച് ദീർഘകാല ശിഷ്യത്വത്തിൻ്റെ അടിത്തറയായി വർത്തിക്കാനാണ് ഉദ്ദേശിക്കുന്നതെന്നും എഫ് സി എ വക്താവ് വ്യക്തമാക്കി. പരിശീലകരുടെയും കായികതാരങ്ങളുടെയും ആത്മീയ വളർച്ച വർദ്ധിപ്പിക്കാനും യേശുക്രിസ്തുവുമായി ശക്തമായ ബന്ധം സ്ഥാപിക്കാനും വേദപുസ്തക മൂല്യങ്ങൾക്കനുസരിച്ച് ജീവിക്കാനും ഈ ബൈബിൾ വിതരണം സഹായിക്കുമെന്നാണ് എഫ് സി എയുടെ പ്രതീക്ഷ.