ബോക്കോഹറാം തീവ്രവാദികളുടെ മാനസാന്തര കഥ സിനിമയാകുന്നു

നൈജീരിയ: മുൻ ബോക്കോഹറാം തീവ്രവാദികളുടെ അത്ഭുതകരമായ മാനസാന്തരകഥയെ ആസ്പദമാക്കി പുതിയൊരു സിനിമ അണിയറയിൽ തയ്യാറാകുന്നു. “ദൈവം എന്റെ ഹൃദയം മാറ്റി; നൈജീരിയയ്ക്കായി അവന്റെ ഹൃദയം എനിക്കു നൽകി,” എന്ന് ഒരു മുൻ ബോക്കോഹറാം തീവ്രവാദിയും ഇപ്പോഴത്തെ മിഷനറിയുമായ ഡാങ്ടൗഡ്മ മാധ്യമങ്ങളോട് വെളിപ്പെടുത്തിയ യഥാർത്ഥ സംഭവങ്ങളാണ് ചിത്രത്തിന്റെ പ്രമേയം. ക്രിസ്ത്യാൻ കൂട്ടക്കൊലകൾക്ക് മുമ്പ് പൈശാചിക ആചാരങ്ങളിൽ പങ്കെടുത്തിരുന്നതായുള്ള അദ്ദേഹത്തിന്റെ തുറന്നുപറച്ചിൽ ഈ വിഷയത്തിലേക്കുള്ള ശ്രദ്ധ ഉയർത്തിക്കൊണ്ടിരിക്കുകയാണ്.

ചിത്രം പുനർനിർമിക്കുന്നത് സൺറൈസ് എന്ന യുവാവിന്റെ ജീവിതമാണ് തന്റെ സഹോദരിയെ ക്രൂരമായി ബലാത്സംഗം ചെയ്തവർക്കെതിരെ പ്രതികാരാന്വേഷണം നടത്തുന്നതിനിടെ ഇരുണ്ട ശക്തികളിൽ കുടുങ്ങുന്നതാണ് അദ്ദേഹത്തിന്റെ കഥ. സ്വന്തം ശവസംസ്കാരം വരെ സ്വയം ചെയ്ത ശേഷം ഒരു ആഴ്ച മണ്ണിനടിയിൽ ചെലവഴിച്ചുവെച്ച് സാത്താന്റെ ശക്തിയാൽ ഉയിർത്തെഴുന്നേൽക്കുന്ന ഈ കഥാപാത്രം “നൈറ്റ്മേർ” എന്ന ഭീകരനാമത്തിലേക്ക് മാറുന്നു. ഒരു ഗ്രാമത്തിലെ പള്ളിയിൽ നൂറുകണക്കിന് ക്രൈസ്തവരെ ശിരഛേദനം ചെയ്ത യഥാർത്ഥ ബോക്കോഹറാം ആക്രമണങ്ങളെ സിനിമ ശക്തമായി പുനർനിർമ്മിക്കുന്നു.

ബോക്കോഹറാമിന്റെ ക്രൂരതയാൽ ഭർത്താക്കളെ നഷ്ടപ്പെട്ട ആറായിരത്തോളം പാസ്റ്റർമാരുടെ വിധവകൾക്കും, പിന്നീട് മാനസാന്തരപ്പെട്ട മുൻ തീവ്രവാദികളുടെ ആത്മീയ യാത്രകൾക്കും കഥയിൽ പ്രധാന സ്ഥാനമുണ്ട്. വൈ വാം നൈജീരിയയിലൂടെ സുവിശേഷവത്കരണത്തിലേക്ക് തിരിച്ചുവന്ന മുൻ തീവ്രവാദികളുടെയും പാസ്റ്റർമാരായി, അധ്യാപകരായി മാറിയ ജീവിതങ്ങളുടെയും ശക്തമായ സാക്ഷ്യങ്ങൾ സിനിമ പ്രേക്ഷകർക്കു മുന്നിൽ എത്തിക്കുന്നു. ഇരുണ്ടതിൽ നിന്ന് വെളിച്ചത്തിലേക്ക് മാറ്റപ്പെട്ട യഥാർത്ഥ ജീവിതങ്ങളുടെ ഈ സിനിമ റിലീസിനെ നൈജീരിയയും ആഗോള ക്രിസ്ത്യൻ സമൂഹവും ആവേശത്തോടെ കാത്തിരിക്കുന്നു