തെരുവിൽ സുവിശേഷം പ്രസംഗിക്കുന്നവരോട് പരസ്യമായി മാപ്പ് പറഞ്ഞ് നടൻ ജെയിമി കെന്നഡി

ഹോളിവുഡ്: സ്ക്രീം, മാലിബുസ് മോസ്റ്റ് വാണ്ടഡ് തുടങ്ങിയ ചിത്രങ്ങളിലൂടെ പ്രശസ്തനായ നടനും ഹാസ്യനടനുമായ ജെയിമി കെന്നഡി ഹോളിവുഡ് തെരുവുകളിൽ സുവിശേഷം പ്രസംഗിക്കുന്നവരോട് പരസ്യമായി മാപ്പ് പറഞ്ഞു. വർഷങ്ങളായി താൻ അവരെ കണ്ടുമുട്ടുമ്പോൾ പുലർത്തിയ മനോഭാവത്തിനാണ് തൻ്റെ പോഡ്‌കാസ്റ്റിലൂടെ അദ്ദേഹം മാപ്പ് അപേക്ഷിച്ചത്.

യേശുവാണ് വെളിച്ചം എന്ന് പറഞ്ഞ് തെരുവിലൂടെ നടക്കുന്ന ചൈനീസ് വംശജരോടും മൈക്കിലൂടെ സുവിശേഷം വിളിച്ചുപറയുന്ന മെക്സിക്കൻ സുവിശേഷകനോടും താൻ കടപ്പെട്ടിരിക്കുന്നുവെന്നും നിങ്ങൾ ഒരു കാര്യത്തിലെത്തിച്ചേർന്നിരിക്കുന്നു എന്നും കെന്നഡി പറഞ്ഞു. ഈ മാപ്പപേക്ഷയെ ഹോളിവുഡിലെ ഫസ്റ്റ് ബാപ്റ്റിസ്റ്റ് ചർച്ച് പാസ്റ്റർ റിച്ചാർഡ് ഹോ സ്വാഗതം ചെയ്തു. സുവിശേഷം പ്രസംഗിക്കാനുള്ള എല്ലാ ശ്രമങ്ങളെയും താൻ അഭിനന്ദിക്കുന്നുവെന്നും സ്ഥിരമായ ഇടപെടലുകളിലൂടെയാണ് തങ്ങൾക്ക് പ്രദേശവാസികളുടെ വിശ്വാസം നേടിയെടുക്കാനും ആഴത്തിലുള്ള ആത്മീയ സംഭാഷണങ്ങൾ നടത്താനും സാധിക്കുന്നതെന്നും പാസ്റ്റർ ഹോ പ്രതികരിച്ചു.