സിറിയയില് സംഘര്ഷം രൂക്ഷം: ഇന്ത്യന് പൗരന്മാര്ക്ക് വിദേശകാര്യ മന്ത്രാലയം മുന്നറിയിപ്പ് നല്കി
ദമാസ്കസ് : സിറിയയില് വിമതരും സൈന്യവും തമ്മിലുള്ള സംഘര്ഷം അതിരൂക്ഷമാവുന്ന സാഹചര്യത്തിൽ സിറിയയിലുള്ള ഇന്ത്യന് പൗരന്മാര്ക്ക് വിദേശകാര്യ മന്ത്രാലയം മുന്നറിയിപ്പ് നല്കി. ഇനിയൊരു അറിയിപ്പ് ഉണ്ടാകുന്നതുവരെ സിറിയയിലേക്കുള്ള എല്ലാ യാത്രകളും ഒഴിവാക്കണമെന്നാണ് വിദേശകാര്യ മന്ത്രാലയത്തിന്റെ നിര്ദ്ദേശം.
സിറിയയിലുള്ള ഇന്ത്യക്കാരോട് എത്രയും വേഗം രാജ്യം വിടണമെന്ന് മന്ത്രാലയം ആവശ്യപ്പെട്ടിട്ടുണ്ട്. നിലവില് സിറിയയിലുള്ള ഇന്ത്യക്കാര് ദമാസ്കസിലെ ഇന്ത്യന് എംബസിയുമായി ബന്ധപ്പെടണമെന്നും അറിയിച്ചു. ലഭിക്കുന്ന വിമാനങ്ങളില് എത്രയും വേഗം രാജ്യത്ത് നിന്ന് പോകണമെന്നും മന്ത്രാലയം ആവശ്യപ്പെട്ടിട്ടുണ്ട്.
