Official Website

വൈകാതെ തന്നെ രാജ്യത്ത് 5ജി സേവനങ്ങൾ ലഭ്യമാക്കും: കേന്ദ്ര സർക്കാർ

0 104

ഡൽഹി :രാജ്യത്ത് എത്രയും വേഗം തന്നെ 5ജി സേവനങ്ങൾ ലഭ്യമാക്കുമെന്ന് കേന്ദ്ര സർക്കാർ. രാജ്യത്ത് എല്ലാവർക്കും താങ്ങാനാവുന്ന നിരക്കിൽ 5ജി സേവനങ്ങൾ നടപ്പിലാക്കുമെന്നാണ് കേന്ദ്ര സർക്കാർ അറിയിച്ചിരിക്കുന്നത്.
ഇതിനോടകം തന്നെ വിവിധ നഗരങ്ങളിൽ 5ജി ഇൻസ്റ്റാളേഷനുകൾ ആരംഭിച്ചിട്ടുണ്ട്. മികച്ച സേവനങ്ങൾ തടസ്സമില്ലാതെ ലഭ്യമാക്കാൻ വേണ്ട സംവിധാനങ്ങൾ രാജ്യത്തുടനീളം ഉടനെ തന്നെ സജ്ജമാക്കുന്നതിന്റെ തിരക്കിലാണ് ടെലികോം കമ്പനികളെന്നും കേന്ദ്ര ഐടി മന്ത്രി അശ്വിനി വൈഷ്ണവ് അറിയിച്ചു . പൊതുജനങ്ങൾക്ക് താങ്ങാനാകുന്ന നിരക്കിലായിരിക്കും 5ജി പ്ലാനുകൾ ലഭ്യമാക്കുന്നതെന്ന് അത് സർക്കാർ ഉറപ്പുവരുത്തുമെന്നും മന്ത്രി പറഞ്ഞു. ഘട്ടം ഷട്ടമായാണ് 5ജി സേവനങ്ങൾ വിന്യസിക്കുക. ആദ്യ ഘട്ടത്തിൽ 13 നഗരങ്ങളിലാണ് 5ജി സേവനങ്ങൾ ഉറപ്പാക്കുന്നത്. ചണ്ഡീഗഡ്, ചെന്നൈ, ഡൽഹി, ഗാന്ധിനഗർ, അഹമ്മദാബാദ്, ബെംഗളൂരു, ഗുരുഗ്രാം, ഹൈദരാബാദ്, ലഖ്‌നൗ, മുംബൈ, പൂണൈ, ജാംനഗർ, കൊൽക്കത്ത എന്നിവിടങ്ങളിലാണ് തുടക്കത്തിൽ 5 ജി ലഭ്യമാക്കുന്ന നഗരങ്ങൾ.

Comments
Loading...
%d bloggers like this: