സൗദി അറേബ്യയിൽ നാളെ മുതൽ താപനില 0° സെൽഷ്യസ് വരെ കുറയുമെന്ന് മുന്നറിയിപ്പ്
ജിദ്ദ : ഡിസംബർ 28 മുതൽ സൗദി അറേബ്യയിലെ ചില പ്രദേശങ്ങളിൽ താപനില 4 മുതൽ പൂജ്യം ഡിഗ്രി സെൽഷ്യസ് വരെ കുറയുമെന്ന് ദേശീയ കാലാവസ്ഥാ കേന്ദ്രം. തബുക്ക്, അൽ ജൗഫ്, വടക്കൻ അതിർത്തികൾ, ഹായിൽ, മദീന മേഖലയുടെ വടക്കൻ ഭാഗങ്ങൾ എന്നിവിടങ്ങളിലാണ് തണുത്ത കാലാവസ്ഥ കൂടുതലും അനുഭവപ്പെടുക.
ജനുവരി 3 വരെ സമാന കാലാവസ്ഥ തുടരും. അതേസമയം ശീതകാലത്തിൻ്റെ ആരംഭം മുതൽ വരുന്ന ആഴ്ചയിൽ രാജ്യത്തിന്റെ പ്രദേശങ്ങൾ ഏറ്റവും ശക്തമായ ശീത തരംഗത്തിന് വിധേയമാകുമെന്ന റിപ്പോർട്ടുകൾ നാഷനൽ സെൻ്റർ ഓഫ് മെറ്റീരിയോളജി വക്താവ് ഹുസൈൻ അൽ ഖഹ്താനി നിഷേധിച്ചു.
