ബെർമുഡ ട്രയാംഗിളിന് താഴെ 20 കി.മീ. കനമുള്ള അജ്ഞാത പാറപ്പാളി കണ്ടെത്തി

വാഷിംഗ്ടൺ : ലോകത്തിലെ ഏറ്റവും ദുരൂഹമായ പ്രദേശങ്ങളിൽ ഒന്നായ ബെർമുഡ ട്രയാംഗിളിന് താഴെ ഭൂമിയുടെ അടിത്തട്ടിൽ അസാധാരണമാംവിധം കട്ടിയുള്ള ഒരു പാറപ്പാളി കണ്ടെത്തി. മുമ്പ് രേഖപ്പെടുത്താത്ത ഈ ഭൂമിശാസ്ത്രപരമായ സവിശേഷത ശാസ്ത്രജ്ഞർക്കിടയിൽ പുതിയ ചർച്ചകൾക്ക് തുടക്കമിട്ടിരിക്കുകയാണ്.

ഏകദേശം 20 കിലോമീറ്റർ കനമുള്ള ഈ പാളി ബെർമുഡയുടെ അടിയിലുള്ള ടെക്റ്റോണിക് പ്ലേറ്റിനുള്ളിൽ സമുദ്രത്തിന്റെ പുറംതോടിന് താഴെയായാണ് സ്ഥിതി ചെയ്യുന്നത്. ലോകമെമ്പാടുമുള്ള ഭൂകമ്പങ്ങളിൽ നിന്നുള്ള സീസ്മിക് തരംഗങ്ങൾ വിശകലനം ചെയ്തുകൊണ്ടാണ് ഗവേഷകർ ഈ കണ്ടെത്തലിൽ എത്തിയത്.