രാജ്യദ്രോഹ നിയമ സ്റ്റേ ; ഇന്ത്യയിലെ ക്രിസ്ത്യാനികൾ സ്റ്റാൻ സ്വാമിയുടെ ത്യാഗത്തെ അനുസ്മരിക്കുന്നു

ഡൽഹി : മാവോയിസ്റ്റ് ഗ്രൂപ്പുകളുമായുള്ള ബന്ധത്തിന്റെ പേരിൽ 2020 ഒക്ടോബർ 8 ന് ജാർഖണ്ഡിലെ റാഞ്ചിക്ക് സമീപമുള്ള സ്റ്റാൻ സ്വാമിയുടെ വസതിയിൽ വെച്ച് ദേശീയ അന്വേഷണ ഏജൻസി പുരോഹിതനെ അറസ്റ്റ് ചെയുകയും തുടർന്ന് രാജ്യദ്രോഹക്കുറ്റത്തിന് ജയിലിൽ ആക്കുകയും ചെയ്തിരുന്നു . വൈദികന്റെ ജാമ്യാപേക്ഷ എൻഐഎ കോടതിയും മുംബൈ ഹൈക്കോടതിയും തള്ളിക്കളഞ്ഞു . 2021 ജൂലൈ 5-ന്, ഫാദർ സ്റ്റാൻ, മുംബൈയിലെ ആശുപത്രിയിൽ വച്ച് മരണമടയുകയായിരുന്നു . രാജ്യദ്രോഹ നിയമം നടപ്പിലാക്കുന്നത് താൽക്കാലികമായി നിർത്തിവയ്ക്കാൻ സുപ്രീം കോടതി ഉത്തരവിട്ട സാഹചര്യത്തിൽ സ്റ്റാൻ സ്വാമിയെ ക്രിസ്ത്യൻ സമൂഹം ഓർക്കുന്നു . കൊളോണിയൽ കാലത്തെ ഭരണമായ ഇന്ത്യൻ ശിക്ഷാ നിയമത്തിലെ സെക്ഷൻ 124 എ (രാജ്യദ്രോഹം) പ്രകാരം കുറ്റാരോപിതരായ ആയിരക്കണക്കിന് ആളുകൾക്ക് ഇളവ് നൽകിക്കൊണ്ട് മെയ് 11 ന് രാജ്യദ്രോഹ നിയമം നടപ്പിലാക്കുന്നത് താൽക്കാലികമായി നിർത്തിവയ്ക്കാൻ സുപ്രീം കോടതി ഉത്തരവിട്ടു. കൊളോണിയൽ നിയമം സർക്കാർ അവലോകനം ചെയ്യുന്നതിനിടയിൽ ഈ വകുപ്പിന് കീഴിൽ പ്രഥമ വിവര റിപ്പോർട്ടുകൾ രജിസ്റ്റർ ചെയ്യുന്നതിൽ നിന്നും അന്വേഷണങ്ങൾ തുടരുന്നതിൽ നിന്നും നിർബന്ധിത നടപടികൾ കൈക്കൊള്ളുന്നതിൽ നിന്നും ഫെഡറൽ, സംസ്ഥാന സർക്കാരുകളെ കോടതി വിലക്കി. പുതിയ കേസിലെ പ്രതിക്ക് ജാമ്യം തേടാമെന്നും അത് കൈകാര്യം ചെയ്യുന്ന കോടതിക്ക് സുപ്രീം കോടതി ഉത്തരവ് കണക്കിലെടുത്ത് ഇളവ് നൽകുമെന്നും ചീഫ് ജസ്റ്റിസ് എൻ വി രമണ അധ്യക്ഷനായ മൂന്നംഗ ബെഞ്ച് ഉത്തരവിട്ടു.