ഉരുള്പൊട്ടല് ദുരന്തം: അമേരിക്കന് പ്രസിഡന്റ് അനുശോചനം അറിയിച്ചു
ന്യൂയോര്ക്ക് : വയനാട് ഉരുള്പൊട്ടല് ദുരന്തത്തില് അമേരിക്കന് പ്രസിഡന്റ് ജോ ബൈഡന് അനുശോചനം അറിയിച്ചു. ‘ഉരുള്പൊട്ടലില് പ്രിയപ്പെട്ടവരെ നഷ്ടപ്പെട്ടവരുടെ വേദനയില് പങ്കുചേരുന്നു. ദുരന്തത്തിന് ഇരയായവര്ക്ക് വേണ്ടി പ്രാര്ത്ഥിക്കുന്നു. ഈ വിഷമ ഘട്ടത്തില് ഇന്ത്യയിലെ ജനങ്ങള്ക്കൊപ്പം അമേരിക്കയുണ്ടാകും ബൈഡന് പറഞ്ഞു.
രക്ഷാ ദൗത്യത്തില് ഏര്പ്പെട്ട സൈന്യത്തിന്റെയും നാട്ടുകാരുടെയും ധീരതയെ അഭിനന്ദിക്കുന്നു. ഈ വേദനയ്ക്കൊപ്പം ഇന്ത്യയിലെ ജനങ്ങളെ തങ്ങളുടെ ചിന്തകളില് ചേര്ത്തു നിര്ത്തുന്നുവെന്നും’ ബൈഡന് കൂട്ടിചേർത്തു.
