ദരിദ്രർക്ക് ഭൂമിയും വീടും നൽകാൻ ജമ്മു കശ്മീർ ഭരണകൂടം ഉടൻ വ്യവസ്ഥ ചെയ്യും

ശ്രീനഗർ: കേന്ദ്രഭരണ പ്രദേശത്തെ പാവപ്പെട്ട കുടുംബങ്ങൾക്ക് ഭൂമിയും വീടും നൽകാൻ ജമ്മു കശ്മീർ ഭരണകൂടം ഉടൻ വ്യവസ്ഥ ചെയ്യുമെന്ന് ലഫ്റ്റനന്റ് ഗവർണർ മനോജ് സിൻഹ. ഭൂരഹിതരായ പാവപ്പെട്ട കുടുംബങ്ങൾക്ക് ഭൂമി നൽകുന്നതിന് ജമ്മുവിൽ നിയമമില്ലെന്നും അവരിൽ പലരും ബുദ്ധിമുട്ട് നേരിടുന്നുണ്ടെന്നും അദ്ദേഹം കൂട്ടിച്ചേർത്തു. ഈ പ്രശ്നം പരിഹരിക്കാൻ ഭരണകൂടം പ്രതിജ്ഞാബദ്ധമാണ്, ഭൂരഹിതരായ കുടുംബങ്ങൾക്ക് സ്വന്തമായി വീടുവെക്കാൻ ഭൂമി നൽകാനുള്ള വ്യവസ്ഥ ഉടൻ പുറത്തുവരും, പ്രധാനമന്ത്രി ആവാസ് യോജനയ്ക്ക് കീഴിലാണ് ഈ വീടുകൾ നിർമ്മിക്കപ്പെടുകയെന്ന് ലഫ്റ്റനന്റ് ഗവർണർ പറഞ്ഞു.