ഇറാനിലെ മിസൈൽ നിർമ്മാണ കേന്ദ്രങ്ങൾ തകർത്ത് ഇസ്രായേൽ വ്യോമസേന

ഇസ്രായേൽ : ശനിയാഴ്ച രാത്രിയും ഞായറാഴ്ച പുലർച്ചെയുമായി ഇറാൻ തലസ്ഥാനമായ ടെഹ്‌റാനിലെ ആയുധ നിർമ്മാണ കേന്ദ്രങ്ങൾ ലക്ഷ്യമിട്ട് ഇസ്രായേൽ വ്യോമസേന ശക്തമായ ആക്രമണം നടത്തിയതായി ഐഡിഎഫ് (IDF) അറിയിച്ചു. ഇറാന്റെ പ്രതിരോധ മന്ത്രാലയത്തിന് കീഴിലുള്ള പ്രധാന മിസൈൽ നിർമ്മാണ കേന്ദ്രമാണ് ആക്രമണത്തിന് ഇരയായത്. ബാലിസ്റ്റിക് മിസൈലുകൾക്ക് ആവശ്യമായ സുപ്രധാന ഘടകങ്ങൾ നിർമ്മിക്കുന്ന ഇറാനിലെ ആകെയുള്ള രണ്ട് കേന്ദ്രങ്ങളിൽ ഒന്നാണിതെന്ന് ഇസ്രായേൽ സൈന്യം വ്യക്തമാക്കി.

ഇറാൻ നടത്തിയ മുൻകാല ആക്രമണങ്ങൾക്കുള്ള മറുപടിയായാണ് ഈ നീക്കമെന്ന് സൈനിക വക്താവ് അറിയിച്ചു. മിസൈൽ സാങ്കേതികവിദ്യയിൽ ഇറാന് തിരിച്ചടിയുണ്ടാക്കുന്ന തരത്തിലുള്ള കൃത്യമായ ആക്രമണമാണ് നടന്നത്. മേഖലയിൽ സംഘർഷം നിലനിൽക്കുന്ന സാഹചര്യത്തിൽ ഇസ്രായേലിന്റെ ഈ നീക്കം അതീവ പ്രാധാന്യത്തോടെയാണ് ലോകരാജ്യങ്ങൾ നോക്കിക്കാണുന്നത്. ആക്രമണത്തിന് ശേഷം ഇസ്രായേൽ വിമാനങ്ങൾ സുരക്ഷിതമായി തിരിച്ചെത്തിയതായും റിപ്പോർട്ടുകൾ സൂചിപ്പിക്കുന്നു. ഇറാന്റെ ഭാഗത്തുനിന്നുള്ള തിരിച്ചടിയുണ്ടാകാനുള്ള സാധ്യത കണക്കിലെടുത്ത് ഇസ്രായേൽ സൈന്യം അതീവ ജാഗ്രതയിലാണ്.