ഐപിസി കൽപ്പറ്റ സെന്റർ കൺവൻഷൻ

കൽപ്പറ്റ: ഐപിസി കൽപ്പറ്റ സെന്റർ കൺവെൻഷൻ ഫെബ്രു. 2 മുതൽ 4 വരെ കൽപ്പറ്റ കെ.ടി.എം ഓഡിറ്റോറിയത്തിൽ (പഴയ ട്രൈഡന്റ്) നടക്കും. സെന്റർ ശുശ്രൂഷകൻ പാസ്റ്റർ തോമസ് ചാക്കോ ഉദ്‌ഘാടനം നിർവഹിക്കും. പാസ്റ്റർമാരായ തോമസ് ചാക്കോ, അലക്സ് വെട്ടിക്കൽ, ജിജി തെക്കേടത്ത്, സിസ്റ്റർ സൂസൻ തോമസ് എന്നിവർ പ്രസംഗിക്കും. ഐപിസി ഇമ്മാനുവേൽ ബഹ്‌റൈൻ ക്വയർ ഗാനശുശ്രൂഷ നിർവഹിക്കും.

ഫെബ്രു. 2 രാവിലെ 10 മുതൽ 1 വരെ ഉപവാസ പ്രാർത്ഥന നടക്കും. ഉച്ചയ്ക്ക് 2 മുതൽ സെന്റർ ശുശ്രൂഷക സമ്മേളനം നടക്കും. ഫെബ്രു. 3 രാവിലെ 10 മുതൽ സോദരി സമാജ സമ്മേളനം നടക്കും. ഉച്ചയ്ക്ക് 2 മുതൽ പി.വൈ.പി.എ സൺ‌ഡേ സ്കൂൾ വാർഷിക സമ്മേളനങ്ങൾ നടക്കും. ഞായറാഴ്ച രാവിലെ 9.30 മുതൽ ആരംഭിക്കുന്ന സംയുക്തരാധയോടെ കൺവൻഷൻ സമാപിക്കും. പാസ്റ്റർമാരായ ഷാജി മാങ്കൂട്ടം, ടി.എസ്. ജോസഫ്, പി.വി. സന്തോഷ് എന്നിവർ നേതൃത്വം നൽകുന്ന കൺവൻഷൻ കമ്മിറ്റി നേതൃത്വം നൽകും.