ഐഎജി യുകെ & യുറോപ്പ് നാഷണൽ കോൺഫറൻസ് മാർച്ച് 17 മുതൽ

പ്രസ്റ്റൻ : ഇംഗ്ലണ്ടിലെ ഏറ്റവും വലിയ ആത്മീയ സംഗമായ I A G UK & യൂറോപ്പ് നാഷണൽ 16 – മത് കോൺഫറൻസ് മാർച്ച് 17, 18, 19 തീയതികളിൽ പ്രസ്റ്റൻ പട്ടണത്തിൽ നടക്കും. പാസ്റ്റർ രാജേഷ് ഏലപ്പാറ മുഖ്യ പ്രഭാഷകനായിരിക്കും. ഐഎജി യുകെ & യുറോപ്പ് ചെയർമാൻ റവ.ബിനോയ് ഏബ്രഹാം ഉദ്ഘാടനം നിർവ്വഹിക്കും. യുവജനങ്ങൾക്കായി ജോഷ്വാ ക്രിസ്റ്റഫർ ക്ലാസ്സുകൾ നയിക്കും. സഹോദരിമാർക്കും പ്രത്യേക സെക്ഷനുകൾ ഉണ്ടായിരിക്കും. ഞായറാഴ്ച പൊതു ആരാധനയും തിരുവത്താഴ ശുശ്രൂഷയും നടക്കും. വിവിധ റീജിയണിൽ നിന്നുള്ള I A G ക്വയർ ഗാനശുശ്രൂഷകൾ നിർവ്വഹിക്കും.കോൺഫറൻസ് ചെയർമാൻ ആയി എക്സിക്യൂട്ടീവ് അംഗവും, ന്യൂലൈഫ് ഏജി ചർച്ച് സീനിയർ ശുശ്രൂഷകനുമായ പാസ്റ്റർ ജോൺലി ഫിലിപ്പ് (കോൺഫറൻസ് കൺവീനർ) പാസ്റ്റർ ജിനു മാത്യു (കോർഡിനേറ്റർ) അനൂജ് മാത്യു എന്നിവർ പ്രവർത്തിക്കുന്നു.