എഫ്ആര്സിഎ അക്കൗണ്ട് അടക്കം ലത്തീന് അതിരൂപതയുടെ അക്കൗണ്ടുകള് മരവിപ്പിച്ചു: ബിഷപ് തോമസ് ജെ നെറ്റോ
തിരുവനന്തപുരം: വിദേശത്തുനിന്ന് ഫണ്ട് സ്വീകരിക്കുന്ന എഫ്ആര്സിഎ അക്കൗണ്ട് അടക്കം ലത്തീന് അതിരൂപതയുടെ അക്കൗണ്ടുകള് പൂർണ്ണമായി മരവിപ്പിച്ചെന്ന് ബിഷപ് തോമസ് ജെ നെറ്റോ.
മിഷന് പ്രവര്ത്തനങ്ങള്ക്കുള്ള ഫണ്ടുപോലും സ്വീകരിക്കാന് കഴിയുന്നില്ലെന്ന് ചൂണ്ടിക്കാട്ടിയുള്ള സര്ക്കുലര് സഭ പുറത്തുവിട്ടു. വിഴിഞ്ഞം സമരത്തിന് ശേഷമാണ് സംഭവം. അക്കൗണ്ട് മരവിപ്പിച്ചതിന് പിന്നില് കേന്ദ്ര ആഭ്യന്തര മന്ത്രാലയമാണെന്നാണ് ബിഷപ് പറഞ്ഞു. സംസ്ഥാന പൊലീസിന്റെ റിപ്പോര്ട്ടും മരവിപ്പിക്കലിന് കാരണമായിട്ടുണ്ട്. സഭയുടെ സാമ്പത്തിക അവസ്ഥ വിശ്വാസികളെ അറിയിക്കാന് വേണ്ടിയാണ് സര്ക്കുലര് പുറത്തുവിട്ടതെന്നും ബിഷപ്പ് വിശദീകരിച്ചു.
Comments are closed.