ഗാസയിൽ കൊടുംതണുപ്പ്: അഭയാർത്ഥി ക്യാമ്പിൽ ഒരു കുഞ്ഞു കൂടി മരിച്ചു
ഗാസ : ഗാസയിൽ കൊടുംതണുപ്പ്, അഭയാർത്ഥി ക്യാമ്പിൽ ഒരു കുഞ്ഞു കൂടി മരിച്ചു. പ്രസവിച്ച് മൂന്നാഴ്ച പ്രായമായ സില എന്ന കുഞ്ഞുകൂടി മരണപ്പെട്ടതോടെ കൊടുംതണുപ്പിൽ മരണപ്പെടുന്ന കുഞ്ഞുങ്ങളുടെ എണ്ണം മൂന്നായി.
ചൊവ്വാഴ്‌ച രാത്രി ഒൻപത് ഡിഗ്രി സെൽഷ്യസ് വരെ താപനില താഴ്ന്നു. “കൂടാരത്തിലേക്ക് കാറ്റടിച്ചുകയറി. അവളെ ഞാൻ കമ്പിളിയിൽ പൊതിഞ്ഞുവെച്ചു. മുതിർന്നവരായ ഞങ്ങൾക്കുപോലും തണുപ്പ് സഹിക്കാനായിരുന്നില്ല. രാത്രി മൂന്നുതവണ സില ഉറക്കം ഞെട്ടി കരഞ്ഞു. രാവിലെ അവളുണർന്നില്ല.” സിലയുടെ പിതാവ് മഹ്‌മൂദ് അൽ ഫസി പറഞ്ഞു.
