കേരത്തിൽ ഇന്ന് വ്യാപകമായി ഡോക്ടര്മാര് പണിമുടക്കും, ഒപി പ്രവർത്തിക്കില്ല, അടിയന്തര ശസ്ത്രക്രിയകൾ മാത്രം
കൊച്ചി : കോഴിക്കോട് ഫാത്തിമ ആശുപത്രിയിലെ ഡോക്ടറെ ആക്രമിച്ചതിൽ പ്രതിഷേധം ഉയർത്തി ഇന്ന് ഇന്ത്യൻ മെഡിക്കൽ അസോസിയേഷൻ (ഐഎംഎ) സംസ്ഥാനവ്യാപകമായി പണിമുടക്കും. രാവിലെ 6 മുതൽ വൈകിട്ട് 6 വരെയാണ് പണിമുടക്ക്.
കേരള ഗവ. പോസ്റ്റ് ഗ്രാജ്വേറ്റ് മെഡിക്കൽ ടീച്ചേഴ്സ് അസോസിയേഷൻ (കെജിപിഎംടിഎ), കേരള ഗവ. സ്പെഷലിസ്റ്റ് ഡോക്ടേഴ്സ് അസോസിയേഷൻ, ഇന്ത്യൻ ഡെന്റൽ അസോസിയേഷൻ എന്നീ സംഘടനകൾ പണിമുടക്കിൽ പങ്കെടുക്കും. ആശുപത്രികളിലെ ഒപി പ്രവർത്തിക്കില്ല, അടിയന്തര ശസ്ത്രക്രിയകൾ മാത്രമേ ഉണ്ടായിരിക്കയുള്ളു.
