കുട്ടികൾക്ക് സോഷ്യൽ മീഡിയ വേണ്ട: ബ്രിട്ടീഷ് സർക്കാരിന് ക്രൈസ്തവ എംപിമാരുടെ കത്ത്

ലണ്ടൻ: ആധുനിക കാലത്തെ ഡിജിറ്റൽ വെല്ലുവിളികളിൽ നിന്ന് കുട്ടികളെ സംരക്ഷിക്കാൻ സോഷ്യൽ മീഡിയ പ്ലാറ്റ്‌ഫോമുകൾക്ക് കർശന നിയന്ത്രണം ഏർപ്പെടുത്തണമെന്ന് ക്രൈസ്തവ എംപിമാർ. 16 വയസ്സിൽ താഴെയുള്ള കുട്ടികൾക്ക് സോഷ്യൽ മീഡിയ നിരോധിക്കാനുള്ള ഓസ്‌ട്രേലിയൻ മാതൃക ബ്രിട്ടനിലും നടപ്പിലാക്കണമെന്ന് ആവശ്യപ്പെട്ട് 61 ലേബർ എംപിമാർ പ്രധാനമന്ത്രി കീർ സ്റ്റാർമർക്ക് കത്തയച്ചു.

ഫ്രെഡ് തോമസ്, ഫ്ലോറൻസ് ഇഷലോമി തുടങ്ങിയ പ്രമുഖ ക്രൈസ്തവ എംപിമാരാണ് ഈ നീക്കത്തിന് പിന്നിൽ. അനിയന്ത്രിതമായ സോഷ്യൽ മീഡിയ ഉപയോഗം കുട്ടികളിൽ ഉത്കണ്ഠയ്ക്കും ഏകാഗ്രതക്കുറവിനും കാരണമാകുന്നുവെന്നും ഇത് അവരുടെ സ്വഭാവ രൂപീകരണത്തെയും പഠനത്തെയും ദോഷകരമായി ബാധിക്കുന്നുവെന്നും എംപിമാർ ചൂണ്ടിക്കാട്ടി.