*ബൈബിൾ കാര്യത്തിൽ ട്രംപാണ് മിടുക്കനെന്ന് അമേരിക്കൻ പാസ്റ്റർ*

യുഎസ് : അമേരിക്കൻ മുൻ പ്രസിഡന്റ് ഡൊണാൾഡ് ട്രംപിന് ബൈബിളിനെക്കുറിച്ച് പോപ്പ് ലിയോയേക്കാൾ കൂടുതൽ അറിവുണ്ടെന്ന പാസ്റ്റർ റോബർട്ട് ജെഫ്രസിന്റെ പ്രസ്താവന പുതിയ വിവാദങ്ങൾക്ക് വഴിതെളിച്ചിരിക്കുകയാണ്. ഫോക്സ് ന്യൂസിന് നൽകിയ അഭിമുഖത്തിലാണ് ജെഫ്രസ് ഈ പരാമർശം നടത്തിയത്. വിശ്വാസം, രാഷ്ട്രീയം, ഇറാൻ യുദ്ധം എന്നിവയെക്കുറിച്ചുള്ള ചർച്ചകൾക്കിടയിലായിരുന്നു ഈ പ്രതികരണം.

ഇറാൻ സംഘർഷത്തോടുള്ള മാർപ്പാപ്പയുടെ സമീപനത്തെയും വചന വ്യാഖ്യാനങ്ങളെയും ജെഫ്രസ് വിമർശിച്ചു. പോപ്പിന്റെ നിലപാടുകൾ തെറ്റാണെന്നും ട്രംപിനാണ് കാര്യങ്ങളിൽ കൂടുതൽ വ്യക്തതയെന്നും അദ്ദേഹം അവകാശപ്പെട്ടു. യുഎസ് സ്റ്റേറ്റ് സെക്രട്ടറി മാർക്കോ റൂബിയോയും മാർപ്പാപ്പയും തമ്മിലുള്ള കൂടിക്കാഴ്ചയ്ക്ക് തൊട്ടുപിന്നാലെയാണ് ഈ പ്രസ്താവന വന്നത് എന്നത് ശ്രദ്ധേയമാണ്.