*ഈജിപ്ത്റ്റിൽ അഹമ്മദി വിശ്വാസികളെ പിടികൂടുന്നത് ശരിയാണോ?*

ഈജിപ്ത് : ഈജിപ്തിലെ ഗീസയിൽ അഹമ്മദി വിഭാഗത്തിൽപ്പെട്ട പതിനാറുപേരുടെ തടവ് പ്രോസിക്യൂഷൻ വീണ്ടും നീട്ടിയിരിക്കുകയാണ്. നിയമം ലംഘിച്ച് സംഘം ചേർന്നു എന്ന കുറ്റമാണ് ഇവർക്ക് മേൽ ചുമത്തിയിരിക്കുന്നത്. ഇതൊക്കെ നടക്കാൻ പാടുണ്ടോ, കേവലം വിശ്വാസത്തിന്റെ പേരിൽ ഇങ്ങനെ തടങ്കലിൽ വെക്കുന്നത് എത്രത്തോളം നീതിയാണ്?

മാർച്ച് മുതൽ തുടങ്ങിയ ഈ പിടിത്തത്തിൽ സിറിയൻ അഭയാർത്ഥിയടക്കം പതിനേഴുപേരെയാണ് ആദ്യം പിടികൂടിയത്. സോഷ്യൽ മീഡിയയിൽ പോസ്റ്റിട്ട ഒരാളെക്കൂടി ഇപ്പോൾ കേസിൽ പെടുത്തിയിട്ടുണ്ട്. എന്തൊരു കഷ്ടമാണിത്, പന്ത്രണ്ട് ദിവസം പുറംലോകം കാണിക്കാതെ ഒരു വ്യക്തിയെ തടവിൽ വെച്ച് മതനിന്ദാ കുറ്റം ചുമത്തുന്നത് കാണുമ്പോൾ നിങ്ങൾക്ക് വിഷമം തോന്നുന്നില്ലേ?

കഴിഞ്ഞ വർഷം മാത്രം അൻപതിലധികം പേരെയാണ് വിശ്വാസത്തിന്റെ പേരിൽ അവിടെ പോലീസ് അറസ്റ്റ് ചെയ്തത്. മതസ്വാതന്ത്ര്യം എല്ലാവർക്കും ഒരുപോലെയല്ലേ ലഭിക്കേണ്ടത്, ഇതിപ്പോ ആർക്ക് വേണ്ടിയുള്ള നടപടിയാണ്? സമാധാനത്തോടെ ജീവിക്കേണ്ട ഇടങ്ങളിൽ ഇങ്ങനെയുള്ള അക്രമങ്ങൾ കണ്ടില്ലെന്ന് വെക്കാൻ നമുക്ക് കഴിയുമോ?