*ഇൻസ്റ്റാഗ്രാം വേണ്ട, ബൈബിൾ മതി!സോഷ്യൽ മീഡിയയിൽ നിന്ന് വിടപറഞ്ഞ് പോപ്പ് താരം റേ!*

ലണ്ടൻ : സോഷ്യൽ മീഡിയയുടെ തിരക്കുകളിൽ നിന്ന് മാറി, സമാധാനവും ആത്മീയതയും തേടി യാത്ര തിരിച്ചിരിക്കുകയാണ് പ്രശസ്ത പോപ്പ് ഗായിക റേ. മാനസികാരോഗ്യത്തിനും വിശ്വാസത്തിനും മുൻഗണന നൽകുന്നതിന്റെ ഭാഗമായി താരം ഇപ്പോൾ ഇൻസ്റ്റാഗ്രാം പോലുള്ള സോഷ്യൽ മീഡിയ പ്ലാറ്റ്‌ഫോമുകളിൽ നിന്ന് അകലം പാലിക്കുകയാണ്. ഗ്രാമി അവാർഡ് ജേതാവായ ഈ സൗത്ത് ലണ്ടൻ ഗായിക ‘ദ ടൈംസ്’ പത്രത്തിന് നൽകിയ അഭിമുഖത്തിലാണ് തന്റെ പുതിയ ജീവിതശൈലിയെക്കുറിച്ച് വെളിപ്പെടുത്തിയത്.

ഓൺലൈൻ ലോകത്തെ വിമർശനങ്ങളിൽ നിന്നും നെഗറ്റീവ് കമന്റുകളിൽ നിന്നും അകന്നുനിൽക്കുന്നത് തന്റെ മാനസികാരോഗ്യം മെച്ചപ്പെടുത്തിയെന്ന് റേ പറയുന്നു. ഇൻസ്റ്റാഗ്രാമിൽ സമയം ചിലവഴിക്കുന്നതിന് പകരം, ജീവിതത്തിലെ ഉത്തരങ്ങൾക്കായി ഇപ്പോൾ താൻ ബൈബിൾ ആപ്പിനെയാണ് ആശ്രയിക്കുന്നത്. തിരക്കേറിയ ഗ്ലാമർ ലോകത്തുനിന്നും മാറി, കൂടുതൽ സമയം ‘ഓഫ്‌ലൈൻ’ ആയിരിക്കാനാണ് താൻ ആഗ്രഹിക്കുന്നതെന്നും താരം വ്യക്തമാക്കി. സോഷ്യൽ മീഡിയയുടെ മായാലോകത്തേക്കാൾ സ്വന്തം മനസ്സിന്റെ സമാധാനമാണ് വലുതെന്ന് റേ ഇതിലൂടെ തെളിയിക്കുന്നു.ഫ്=ഫ്=ഫ്=ഫ്=ഫ്=ഫ്=ഫ്=