എണ്ണക്ഷാമം പരിഹരിക്കാൻ കാനഡ; 1.40 ലക്ഷം ബാരൽ അധികമുൽപ്പാദിപ്പിക്കും

ഒട്ടാവ: പശ്ചിമേഷ്യയിലെ യുദ്ധത്തെത്തുടർന്നുണ്ടായ ആഗോള എണ്ണക്ഷാമം പരിഹരിക്കുന്നതിനായി പ്രതിദിനം 1,40,000 ബാരൽ അധിക എണ്ണ ഉൽപ്പാദിപ്പിക്കാൻ കാനഡ തീരുമാനിച്ചു. അന്താരാഷ്ട്ര ഊർജ്ജ ഏജൻസിയുടെ നിർദ്ദേശപ്രകാരം ഏപ്രിൽ മാസം മുതലാണ് ഈ വർദ്ധനവ് നിലവിൽ വരുന്നത്.

മിഡിൽ ഈസ്റ്റിലെ സംഘർഷം കാരണം എണ്ണവില കുതിച്ചുയരുന്ന സാഹചര്യത്തിൽ ആഗോള വിപണിയെ സുരക്ഷിതമാക്കാനാണ് കനേഡിയൻ പ്രധാനമന്ത്രി മാർക്ക് കാർണിയുടെ ഈ നീക്കം. യുദ്ധം കാരണം ഹോർമുസ് കടലിടുക്ക് അടച്ചതോടെ ആഗോള എണ്ണ വിതരണത്തിന്റെ 20 ശതമാനത്തോളം തടസ്സപ്പെട്ടിരുന്നു. ഈ കുറവ് പരിഹരിക്കാൻ ഐഇഎ അംഗരാജ്യങ്ങൾ ചേർന്ന് ആകെ 400 ദശലക്ഷം ബാരൽ എണ്ണ വിപണിയിലെത്തിക്കാൻ തീരുമാനിച്ചിട്ടുണ്ട്.