വ്യാജ മതപരിവർത്തന ആരോപണം: ഉത്തർപ്രദേശിൽ ദളിത് യുവാവിന് ക്രൂര മർദ്ദനം
ഫത്തേപൂർ : ഉത്തർപ്രദേശിലെ ഫത്തേപൂരിൽ ക്രിസ്ത്യൻ മതത്തിലേക്ക് ആളുകളെ മതപരിവർത്തനം ചെയ്തുവെന്ന് ആരോപിച്ച് ദളിത് യുവാവിനെ മർദിക്കുകയും ഭീഷണിപ്പെടുത്തുകയും തലകീഴായി മാർച്ച് ചെയ്യുകയും ചെയ്തു. ഇതിൻ്റെ വീഡിയോയും വൈറലായിരിക്കുകയാണ്, ഖാഗ കോട്വാലിയിലെ അലൈ ഗ്രാമത്തിലാണ് സംഭവം.
ബജ്റംഗ്ദൾ പ്രവർത്തകർക്കെതിരെയാണ് യുവാവ് പരാതി നൽകിയത്. വെള്ളിയാഴ്ച വൈകുന്നേരത്തോടെയാണ് ഈ വീഡിയോ വൈറലായത്. വൈറലായ വീഡിയോ തൻ്റെ ശ്രദ്ധയിൽപ്പെട്ടിട്ടുണ്ടെന്ന് എസ്പി പറഞ്ഞു. അലൈ ഗ്രാമത്തിലെ ശിവ്ബറൻ പാസ്വാൻ വ്യാഴാഴ്ച തന്റെ മകൻ്റെ ചികിത്സയ്ക്കായി പോകുമ്പോൾ പ്രദേശത്തെ ബജ്റംഗ്ദൾ പ്രവർത്തകനായ രോഹിത് ചില സുഹൃത്തുക്കളോടൊപ്പം അദ്ദേഹത്തെ വളയുകയും മതപരിവർത്തനത്തിന് പ്രേരിപ്പിച്ചുവെന്ന് ആരോപിച്ച് മർദിക്കുകയുമായിരുന്നു.
അവർ തന്റെ ഭാര്യയെയും മക്കളെയും മർദിക്കുകയും ബലമായി തല മൊട്ടയടിക്കുകയും പട്ടണത്തിലുടനീളം മർദിക്കുകയും ഗ്രാമത്തിന് പുറത്തുള്ള ഒരു ക്ഷേത്രത്തിലേക്ക് കൊണ്ടുപോയി അവിടെ വണങ്ങാനും ആരാധിക്കാനും നിർബന്ധിക്കുകയും ചെയ്തതായി പോലീസിൽ പരാതി നൽകിയെങ്കിലും നടപടിയുണ്ടായില്ലെന്നും അദ്ദേഹം പറഞ്ഞു. പോലീസ് സ്റ്റേഷന് പുറത്ത് പോലും ബജ്റംഗ്ദൾ തന്നെ വളഞ്ഞതായി പാസ്വാൻ പറഞ്ഞു.
വാർത്ത:പാ.ഫ്രെഡി കൂർഗ്
