മണിപ്പുരില് വീണ്ടും സംഘർഷം: 5 പേർ കൊല്ലപ്പെട്ടു
ഇംഫാല് : മണിപ്പുരില് വീണ്ടും സംഘർഷം, സംഘർഷത്തിൽ 5 പേർ കൊല്ലപ്പെട്ടതായി ദേശീയമാധ്യമങ്ങള് റിപ്പോർട്ട് ചെയ്തു. കഴിഞ്ഞ ദിവസം ബിഷ്ണുപുരില് റോക്കറ്റാക്രമണത്തില് വയോധികൻ കൊല്ലപ്പെടുകയും അഞ്ച് പേർക്ക് പരിക്കേല്ക്കുകയും ചെയ്തതിന് പിന്നാലെയാണ് വീണ്ടും അക്രമം ഉണ്ടായത്.
കലാപകാരികള് ഗ്രാമത്തില് പ്രവേശിച്ച് ഒരാളെ കൊലപ്പെടുത്തിയതിന് പിന്നാലെയാണ് സംഘർഷാവസ്ഥ ഉടലെടുത്തതെന്നും മരണസംഖ്യ ഇനിയുമുയരുമെന്നും സുരക്ഷാസേനാ ഉദ്യോഗസ്ഥർ പറഞ്ഞു.
