മെയ് 31 മുതൽ ചിക്കാഗോയിൽ സ്തോത്ര ശുശ്രൂഷ സമ്മേളനം
ചിക്കാഗോ: പ്രവർത്തനം ആരംഭിച്ചിട്ട് 25 വർഷം പൂർത്തിയാക്കുന്നതിന്റെ ഭാഗമായി കൺവെൻഷനും പ്രത്യേക സ്തോത്ര ശുശ്രൂഷ സമ്മേളനവും നടത്താനൊരുങ്ങി ചിക്കാഗോയിലെ ശാരോൻ ഫെല്ലോഷിപ്പ് ചർച്ച്. മെയ് 31 മുതൽ ജൂൺ 2 വരെ കെനോഷാ ബൈബിൾ ചർച്ചിൽ വെച്ച് നടക്കുമെന്ന് ഭാരവാഹികൾ അറിയിച്ചു.സമ്മേളനത്തിൽ കെനോഷാ സിറ്റി മേയർ ഡേവിഡ് ബോഗ്‌ഡോള ഉൾപ്പെടെയുള്ള വിശിഷ്ട അതിഥികൾ പങ്കെടുക്കും. സിൽവർ ജൂബിലി തീം സോങ് കോയർ അവതരിപ്പിക്കും. സഭയുടെ ചരിത്രം അടങ്ങിയ സുവനീർ ഈ സമ്മേളനത്തിൽ പ്രകാശനം ചെയ്യും. റവ. റോബർട്ട് ജോൺസൻ റവ. തോമസ് മാമ്മൻ, റവ. ഡോ. റ്റിങ്കു തോംസൺ, റവ. ജോൺ തോമസ് എന്നിവർ പ്രസംഗിക്കും.റവ. ജിജു ഉമ്മൻ (പ്രസിഡന്റ്‌ ), ഷെറി കെ. ജോർജ് (സെക്രട്ടറി), ജെയിംസ് ഉമ്മൻ (പ്രോഗ്രാം കോർഡിനേറ്റർ) എന്നിവരുടെയും ചർച്ച് ബോർഡിന്റെയും നേതൃത്വത്തിൽ വിവിധ കമ്മിറ്റികൾ സമ്മേളനത്തിന്റെ നടത്തിപ്പിനായി പ്രവർത്തിക്കുന്നു.
