പ്രധാനമന്ത്രി നരേന്ദ്ര മോദിയുടെ മാതാവ് ഹീരാബെന് മോദി അന്തരിച്ചു
ഗുജറാത്ത് : പ്രധാനമന്ത്രി നരേന്ദ്ര മോദിയുടെ മാതാവ് ഹീരാബെന് മോദി (100) അന്തരിച്ചു. ഇന്നു പുലര്ച്ചെ അഹമ്മദാബാദിലെ യു.എന് മേത്ത ഇന്സ്റ്റിറ്റ്യൂട്ട് ഓഫ് കാര്ഡിയോളജി ആന്ഡ് റിസര്ച് സെന്ററിലായിരുന്നു അന്ത്യം. ആരോഗ്യനില വഷളായതിനെ തുടര്ന്ന് കഴിഞ്ഞ ദിവസം ഹീരാബെന് മോദിയെ ആശുപത്രിയില് പ്രവേശിപ്പിച്ചത്. അമ്മയുടെ മരണത്തെക്കുറിച്ച് മോദി ട്വീറ്റ് ചെയ്തിട്ടുണ്ട്. മഹത്തായ ഒരു നൂറ്റാണ്ട് ദൈവത്തിന്റെ പാദങ്ങളില് കുടികൊള്ളുന്നുവെന്ന് അദേഹം ട്വിറ്ററില് കുറിച്ചു. മരണവിവരമറിഞ്ഞ് പ്രധാനമന്ത്രി അഹമ്മദാബാദിലേക്ക് തിരിച്ചു.
