ലോകത്തെ എല്ലാ ഭാഷകളിലേക്കും ബൈബിൾ എത്തിക്കാനായി ‘വിഷൻ 2033’ പദ്ധതി പുരോഗമിക്കുന്നു

യുഎസ് : ലോകമെമ്പാടുമുള്ള ബൈബിൾ പരിഭാഷാ സംഘടനകളുടെ ഒരു ബൃഹത്തായ കൂട്ടായ്മയാണ് ‘വിഷൻ 2033’ എന്ന ലക്ഷ്യത്തിലേക്ക് നീങ്ങുന്നത്. യേശുക്രിസ്തുവിന്റെ പുനരുത്ഥാനത്തിന്റെ രണ്ടാം സഹസ്രാബ്ദി ആഘോഷിക്കുന്ന 2033-ഓടെ, ലോകത്തിലെ എല്ലാ ഭാഷകളിലേക്കും ബൈബിൾ എത്തിക്കുക എന്നതാണ് ഈ പദ്ധതിയുടെ കാതൽ. നിലവിൽ ബൈബിൾ പരിഭാഷ ലഭ്യമല്ലാത്ത ആയിരക്കണക്കിന് ഭാഷാസമൂഹങ്ങൾക്ക് അവരുടെ മാതൃഭാഷയിൽ വചനം വായിക്കാനും കേൾക്കാനും ഇതിലൂടെ അവസരമൊരുങ്ങും.

ആധുനിക സാങ്കേതികവിദ്യയുടെയും സഹായത്തോടെ പരിഭാഷാ പ്രവർത്തനങ്ങൾ അതിവേഗം പൂർത്തിയാക്കാനാണ് സംഘടനകൾ ശ്രമിക്കുന്നത്. മുൻകാലങ്ങളിൽ പതിറ്റാണ്ടുകൾ എടുത്തിരുന്ന പരിഭാഷകൾ ഇപ്പോൾ ഏതാനും വർഷങ്ങൾക്കുള്ളിൽ പൂർത്തിയാക്കാൻ ഡിജിറ്റൽ ടൂളുകൾ സഹായിക്കുന്നു. ബൈബിൾ സൊസൈറ്റികൾ, വൈക്ലിഫ് ബൈബിൾ ട്രാൻസ്ലേറ്റേഴ്‌സ് തുടങ്ങിയ സംഘടനകൾ ‘ഇല്യൂമിനേഷൻസ്’ എന്ന സംയുക്ത വേദിയിലൂടെ വിഭവങ്ങൾ പങ്കിട്ടാണ് ഈ ആഗോള ദൗത്യം വിജയകരമായി മുന്നോട്ട് കൊണ്ടുപോകുന്നത്.