*ഇറാനെതിരെ യുഎസ് സൈനിക നടപടി: സുരക്ഷാ ഭീഷണികൾ നേരിടാനെന്ന് പ്രഖ്യാപനം*

ഇറാൻ : അമേരിക്കൻ സൈന്യം ഇറാനിൽ വിപുലമായ സൈനിക നീക്കങ്ങൾ ആരംഭി ഇറാനിലെ ഭരണകൂടത്തിൽ നിന്ന് അമേരിക്കയ്ക്കും സഖ്യകക്ഷികൾക്കും നേരെ ഉണ്ടാകുന്ന ഭീഷണികൾ ഇല്ലാതാക്കുകയാണ് ഇതിന്റെ ലക്ഷ്യമെന്ന് പ്രസ്താവന വ്യക്തമാക്കുന്നു.
47 വർഷമായി ഇറാൻ ഭരണകൂടം അമേരിക്കയ്ക്കും സഖ്യകക്ഷികൾക്കും എതിരെ നടത്തുന്ന ശത്രുതാപരമായ നീക്കങ്ങളാണ് ഈ കടുത്ത സൈനിക നടപടിക്ക് കാരണമായി അമേരിക്ക ചൂണ്ടിക്കാട്ടുന്നത്. 1979-ലെ ടെഹ്‌റാൻ എംബസി ഉപരോധം, 1983-ലെ ബെയ്‌റൂട്ട് സൈനിക ബാരക് സ്ഫോടനം, 2000-ലെ യുഎസ്എസ് കോൾ ആക്രമണം എന്നിവയിലെ ഇറാന്റെ പങ്ക് ഈ പ്രസ്താവനയിൽ എടുത്തുപറയുന്നുണ്ട്. അമേരിക്കൻ സൈനികരുടെ ജീവൻ സംരക്ഷിക്കുന്നതിനും മേഖലയിലെ ഭീകരവാദ പ്രവർത്തനങ്ങൾ അവസാനിപ്പിക്കുന്നതിനും ഈ നീക്കം അനിവാര്യമാണെന്നാണ് വാഷിംഗ്ടണിന്റെ നിലപാട്.

മിഡിൽ ഈസ്റ്റിലെ അമേരിക്കൻ സേനയ്ക്കും അന്താരാഷ്ട്ര കപ്പൽ പാതകൾക്കും നേരെ ഇറാന്റെ പിന്തുണയുള്ള ഗ്രൂപ്പുകൾ സമീപകാലത്ത് നടത്തിയ ആക്രമണങ്ങളും നിലവിലെ സംഘർഷത്തിന്റെ ആക്കം കൂട്ടിയിട്ടുണ്ട്. അമേരിക്കൻ സൈനികരെ കൊലപ്പെടുത്തുകയും പരിക്കേൽപ്പിക്കുകയും ചെയ്യുന്ന ഇത്തരം പ്രകോപനങ്ങൾ ഇനി അനുവദിക്കില്ലെന്ന് യുഎസ് സൈന്യം മുന്നറിയിപ്പ് നൽകി. ഇറാനിലെ തന്ത്രപ്രധാനമായ സൈനിക താവളങ്ങളെ ലക്ഷ്യമിട്ടാണ് നിലവിൽ ആക്രമണങ്ങൾ പുരോഗമിക്കുന്നതെന്നാണ് റിപ്പോർട്ടുകൾ സൂചിപ്പിക്കുന്നത്.