*ഹോർമുസ് കടലിടുക്ക് തുറക്കാൻ അമേരിക്കയും സഖ്യകക്ഷികളും; ഇറാനിയൻ ബോട്ടുകൾക്ക് നേരെ വ്യോമാക്രമണം*

ഇറാൻ : ഹോർമുസ് കടലിടുക്കിലെ ഗതാഗത തടസ്സങ്ങൾ നീക്കുന്നതിനായി അമേരിക്കയും സഖ്യകക്ഷികളും സൈനിക നീക്കം ശക്തമാക്കിയതായി വാൾ സ്ട്രീറ്റ് ജേണൽ റിപ്പോർട്ട് ചെയ്തു. ഇറാനിയൻ ബോട്ടുകളെ തകർക്കാൻ താഴ്ന്നു പറക്കുന്ന യുദ്ധവിമാനങ്ങളും ഡ്രോണുകളെ പ്രതിരോധിക്കാൻ അപ്പാച്ചെ ഹെലികോപ്റ്ററുകളും വിന്യസിച്ചതായി യുഎസ് ഉദ്യോഗസ്ഥർ സ്ഥിരീകരിച്ചു. മേഖലയിലെ സുരക്ഷ ഉറപ്പാക്കുന്നതിനും അന്താരാഷ്ട്ര വ്യാപാര പാതകൾ പുനസ്ഥാപിക്കുന്നതിനുമാണ് ഈ അടിയന്തര നടപടി സ്വീകരിച്ചിരിക്കുന്നത്.

അമേരിക്കയുടെ പ്രശസ്തമായ എ-10 തണ്ടർബോൾട്ട് II യുദ്ധവിമാനങ്ങൾ യുദ്ധരംഗത്ത് ഇറങ്ങിയതായി യുഎസ് ജനറൽ ഡാൻ കെയ്ൻ പെന്റഗണിൽ മാധ്യമങ്ങളോട് പറഞ്ഞു. ‘വാർത്തൊഗ്’ എന്നറിയപ്പെടുന്ന ഈ വിമാനങ്ങൾ ഹോർമുസ് കടലിടുക്കിലെ ഇറാനിയൻ അതിവേഗ ആക്രമണ ബോട്ടുകളെ വേട്ടയാടുകയാണ്. ഇറാന്റെ തെക്കൻ മേഖലകളിൽ സൈനിക ദൗത്യങ്ങൾ ആരംഭിച്ചതായും അദ്ദേഹം വ്യക്തമാക്കി. ഇറാന്റെ നാവിക നീക്കങ്ങളെ നേരിടാൻ അത്യാധുനിക ആയുധ സംവിധാനങ്ങളാണ് അമേരിക്ക ഉപയോഗിക്കുന്നത്.
GG