യുഎഇയിൽ വെയർഹൗസിൽ വൻതീപിടുത്തം : ആളപായമില്ല

ഷാർജ : വെള്ളിയാഴ്ച രാത്രിയുണ്ടായ തീപിടിത്തത്തിൽ ഷാർജയിലെ അൽ ഹംരിയയിലെ വെയർഹൗസ് നശിച്ചതായി ഷാർജ സിവിൽ ഡിഫൻസ് അതോറിറ്റി ഡയറക്ടർ ജനറൽ ബ്രിഗേഡിയർ സമി ഖമീസ് അൽ നഖാബി പറഞ്ഞു. രാത്രി 11.൫൦ നാണ് തീപിടിത്തമുണ്ടായതെന്ന് അൽ നഖബി പറഞ്ഞു. രണ്ട് ഫയർ സ്റ്റേഷനുകളിലെ അഗ്നിശമന സേനാംഗങ്ങൾ തീ നിയന്ത്രണവിധേയമാക്കി. അടുത്തുള്ള ഗോഡൗണുകളിലേക്ക് തീ പടരാതിരിക്കാൻ ആവശ്യമായ മുൻകരുതലുകൾ ഉടൻ സ്വീകരിച്ചു. 20 മിനിറ്റിനുള്ളിൽ തീ നിയന്ത്രണ വിധേയമാക്കി. എന്നാൽ, ബാഗുകൾ നിർമിക്കാൻ പ്ലാസ്റ്റിക് സൂക്ഷിച്ചിരുന്ന ഒരു ഗോഡൗണിൽ തീപിടിത്തം പൂർണമായും കത്തിനശിച്ചു. ആളപായമൊന്നും റിപ്പോർട്ട് ചെയ്തിട്ടില്ലെന്നും തീപിടുത്തത്തിൻ്റെ കാരണം ഇപ്പോഴും അന്വേഷണത്തിലാണെന്നും അധികൃതർ പറഞ്ഞു.